લોકસભા ચૂંટણી 2024 / હાર માને એ બીજા વડોદરાના તપનદાસ ગુપ્તા નહીં! છઠ્ઠીવાર નોંધાવી ઉમેદવારી,જાણો કોણ છે વ્યક્તિ

વડોદરા લોકસભા બેઠક પર 14 ઉમેદવારો મેદાનમાં ઉતર્યા છે.. પરંતુ આ 14માં સૌથી અનોખા ઉમેદવાર છે તપનદાસ ગુપ્તા. આજે તેમની ચર્ચા એટલા માટે કરવામાં આવી રહી છે કારણ કે, તપનદાસ ગુપ્તા અગાઉ પાંચ વખત લોકસભાની અને એક વખત વિધાનસભાની ચૂંટણી લડી ચૂક્યા છે. તમામ ચૂંટણીમાં તેમની કારમી હાર પણ થઈ છે. છતાં તેઓ વારંવાર ચૂંટણી લડે છે.. અને હારે છે.. 

દર વખતે તેમની ડિપોઝિટ જપ્ત થઇ જાય છે 

તપનદાસ કોમ્યુનિસ્ટ પક્ષના ઉમેદવાર છે.. અને દર વખતે તેમની ડિપોઝિટ જપ્ત પણ થાય છે.. 2004થી તેમણે ચૂંટણી લડવાની શરૂઆત કરી હતી.. આજે જ્યારે અમે તેમની મુલાકાતે પહોંચ્યા ત્યારે તેઓ શહેરના નાગરવડા વિસ્તારમાં આવેલ શાક માર્કેટમાં પ્રચાર કરતાં જોવા પણ જોવા મળ્યા.. જ્યાં તેઓ શાકભાજી વેચતા વિક્રેતાઓ અને ગ્રાહકોને પોતે તૈયાર કરેલું પેમ્પલેટ આપીને મત માંગતા જોવા મળ્યા. 

તપનદાસ ગુપ્તા ખુબ ગરીબ પરિવારમાંથી આવે છે.. અને પત્રકારત્વનો અભ્યાસ કર્યો છે.. સાથે જ તેઓ શિક્ષિત નેતા હોવાનો દાવો કરે છે.. ત્યારે જોવાનું એ રહેશે કે, છઠ્ઠીવારના પ્રયાસમાં તપનદાસની ડિપોઝીટ ફરી જપ્ત થાય છે કે, જનતા આ વખતે ડિપોઝીટ બચાવી લે છે.. 

આ પણ વાંચોઃ 4 દિવસથી કયા ગુમ છે કુંભાણી? કોંગ્રેસના બે દિગ્ગજ નેતાઓએ લગાવ્યા આક્ષેપ, ગદ્દાર કોણ?

3 સમર્થકો સાથે તેઓ શહેરમાં ફરી ફરીને પ્રચાર કરી રહ્યાં છે

તપનદાસ ગુપ્તાનું નિશાન ટોર્ચ ( બેટરી) છે. માત્ર 3 સમર્થકો સાથે તેઓ શહેરમાં ફરી ફરીને પ્રચાર કરી રહ્યાં છે. પ્રચાર માટે તેઓ કારનો ઉપયોગ કરી રહ્યા છે.. તેમણે પોતાની કારને અનોખી રીતે સજાવી છે.. તેમાં બેનર, લાઉડ સ્પીકર અને ચૂંટણીનું નિશાન જોવા મળે છે.  

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો