પક્ષપલટો / બંગાળમાં દીદી એક પછી એક એવી રમી રહ્યાં છે ચાલ કે ભાજપની મહેનત પર ફરી રહ્યું છે પાણી, જુઓ આજે શું બન્યું

• બંગાળમાં ભાજપને સતત બીજા દિવસે મોટો ઝટકો લાગ્યો
• બાગદાના ધારાસભ્ય વિશ્વજીત દાસ ટીએમસીમાં સામેલ થયા
• સોમવારે ધારાસભ્ય તન્મય ઘોષ પણ ભાજપ છોડીને ટીએમસીમાં આવ્યાં હતા
• ભાજપની સભ્ય સંખ્યા 77 થી ઘટીને 72 થઈ 

હજુ એક દિવસ પહેલા એટલે કે સોમવારે વિષ્ણુપુર બેઠકના ધારાસભ્ય તન્મય ઘોષ પણ ભાજપ છોડીને ટીએમસીમાં જોડાયા હતા. 

ભાજપમાં બેચેની થઈ રહી હતી-ધારાસભ્ય વિશ્વજીત દાસ 

ભાજપ છોડીને ટીએમસીમાં સામેલ થયેલા ધારાસભ્ય વિશ્વજીત દાસે જણાવ્યું કે ભાજપમાં રહીને બેચેની થઈ રહી હતી. ભાજપમાં પાર્ટીની સંસ્કૃતિ નથી. આંતરિક ખેંચતાણ ઘણી છે. બીજી તરફ મમતા બેનરજી જે રીતે નેતાગીરી કરી રહ્યા છે અને જે રીતે મમતા બેનરજીનું નામ ઘેર ઘેર પહોંચી રહ્યું છે તેનાથી પ્રેરિત થઈને હું ફરી વાર ટીએમસીમાં પાછો આવ્યો છું. 

West Bengal: BJP MLA Biswajit Das and BJP councillor Manotosh Nath join TMC in Kolkata. pic.twitter.com/9HKi0NqDbF

— ANI (@ANI) August 31, 2021

77 બેઠક જીતનાર ભાજપ પાસે હવે રહી 72 

બંગાળ ચૂંટણીમાં 77 બેઠક જીતનાર ભાજપની પાસે હવે 72 બેઠક રહી છે. સોમવારે તન્મય ઘોષ અને હવે વિશ્વજીત દાસે ભાજપ છોડી દીધું છે.

6 મહિનામાં ઉલટી ગંગા, ભાજપે જેવું કર્યું તેવું હવે ટીએમસી કરવા લાગી 
આ વર્ષે માર્ચ-એપ્રિલમાં યોજાયેલી પશ્ચિમ બંગાળ વિધાનસભાની ચૂંટણી પહેલા ભાજપે TMC માં મોટી સેંધમારી કરી હતી અને પછી ટીએમસી નેતાઓના ભાજપમાં સામેલ થવાની સ્પર્ધા ચાલી હતી.  ચૂંટણીમાં ટીએમસીની જંગી જીત બાદ હવે વિપરીત પવન ફૂંકાઈ રહ્યો છે. 

બંગાળની ચૂંટણી પછી, ભાજપના 3 ધારાસભ્યો ભાજપમાં જોડાયા 
એક દિવસ પહેલા સોમવારે ભાજપ ધારાસભ્ય તન્મય ઘોષ ટીએમસીમાં પરત ફર્યા હતા. અગાઉ, જૂનમાં, ભાજપના ધારાસભ્ય અને પક્ષના રાષ્ટ્રીય ઉપાધ્યક્ષ મુકુલ રોય ટીએમસીમાં ફરી જોડાયા હતા. રોય 4 વર્ષ પહેલા TMC છોડીને ભાજપમાં જોડાયા હતા. તન્મય ઘોષ એક દિવસ પહેલા જ TMC માં જોડાયા હતા. બંગાળ ચૂંટણી બાદ કુલ 4 ધારાસભ્યો ભાજપ છોડીને ટીએમસીમાં જોડાયા છે.