લોકસભા ચૂંટણી 2023 / દમણ-દીવ બેઠક પર પટેલ v/s પટેલ, જાતિ સમીકરણથી જંગ ચકરાવે ચડયો, ઇતિહાસનું પાનું ફરશે?

ગુજરાતને અડીને આવેલા સંઘ પ્રદેશ દમણ-દીવની લોકસભા બેઠક પર ભાજપ અને કોંગ્રેસે ઉમેદવારો જાહેર કરી દીધા છે. ભાજપે લાલુ પટેલને સતત ચોથી વખત રિપિટ કર્યા છે. જ્યારે કોંગ્રેસે જિલ્લા પ્રમુખ કેતન પટેલને મેદાનમાં ઉતાર્યા છે. બંને ઉમેદવારોએ ચૂંટણી પ્રચાર પૂરજોશમાં શરૂ કરી દીધો છે. ભાજપના ઉમેદવારે અત્યાર સુધી કરેલા વિકાસ કામોને લઈ મતદારો સમક્ષ જવાની વાત કહી છે. જ્યારે ભાજપના સાંસદ અને સરકાર હોવા છતાં દીવ-દમણના પ્રવાસનનો વિકાસ થયો નહી હોવાનો દાવો કરી વેપારીઓને પડી રહેલી તકલીફો અને લોકોની સમસ્યાઓ મતદારો સમક્ષ જવાનુ કહ્યુ હતુ. ગત ટર્મમા પણ બંને ઉમેદવારો વચ્ચે જંગ જામ્યો હોવાથી આ વખતે પણ જંગ રોચક બને તેવી શક્યતા છે.

દમણ-દીવ લોકસભા બેઠક
ભાજપ    લાલુ પટેલ
કોંગ્રેસ    કેતન પટેલ

કોણ છે લાલુ પટેલ?
લાલુ પટેલ દમણ-દીવના વર્તમાન સાંસદ છે. ભાજપે સતત ચોથી વાર લોકસભા લડવાની તક આપી છે. 2009થી દમણ-દીવ લોકસભા બેઠક ઉપર જીત મેળવી રહ્યા છે. જમીનથી જોડાયેલા નેતા તરીકેની છાપ છે. 

કોણ છે કેતન પટેલ?
કેતન પટેલ જિલ્લા કોંગ્રેસના પ્રમુખ છે. કોંગ્રેસ સાથે ઘણાં વર્ષોથી જોડાયેલા છે. જિલ્લા પંચાયતના પ્રમુખ તરીકે પણ રહ્યાં તેમજ તાજેતરમાં પ્રિયંકા ગાંધી અંગે નિવેદન આપીને ચર્ચામાં આવ્યા હતા

2019નું પરિણામ
ભાજપ    લાલુ પટેલ
પરિણામ    જીત

કોંગ્રેસ    કેતન પટેલ
પરિણામ    હાર

દમણ-દીવ બેઠકનો ઈતિહાસ
1987માં આ બેઠક અસ્તિત્વમાં આવી અને કોંગ્રેસ આ બેઠક ઉપર 3 વખત જીતી છે. જ્યારે ભાજપ આ બેઠક ઉપર 4 વખત જીતી છે. મોટેભાગે પક્ષ અને મુદ્દા આધારીત પરિણામ મળે છે

વાંચવા જેવું: શિક્ષણમંત્રીની ઓફિસમાં બારોબાર વહીવટ કરતાં પી. એસ. પટેલ છે કોણ? હકાલપટ્ટી છતાં વટ સચિવ જેવો

દમણ-દીવનું જ્ઞાતિ ગણિત
કોળી પટેલ મતદારો આશરે 22%થી વધુ છે. ખારવા અને કોળી મતદારો પણ નોંધપાત્ર છે. બિનગુજરાતી મતદારોની સંખ્યામાં એક દશકમાં ભારે ઉછાળો થયો છે. દમણ-દીવમાં બિનગુજરાતી મતદારો લગભગ 30%થી વધુ છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો