વિનાશ / મોકા વાવાઝોડું બાંગ્લાદેશમાં ત્રાટક્યું,મ્યાંમારમા અતિભારે વરસાદ પવનની ગતિ 250 કિમી પ્રતિ કલાકની,આઇલેન્ડ ડૂબવાનો ભય

• ચક્રવાત મોકાએ ઠેર ઠેર વિનાશ વેર્યો
• બાંગ્લાદેશના દરિયાકાંઠે ટકરાયું મોકા
• 250 કિ.મી પ્રતિ કલાકની ઝડપે પવન ફૂંકાવાની ભીતિ

ચક્રવાત મોકાએ ઠેર ઠેર વિનાશ વેર્યો છે અને હવે તે બાંગ્લાદેશના દરિયાકાંઠે ટકરાયું છે. જેની અસર મ્યાનમારમા જોવા મળી રહી છે. આથી ઘણા વિસ્તારોમાં ભારે પવન સાથે વરસાદ ત્રાટકી રહ્યો છે. 195 કિ.મી પ્રતિ કલાકની ઝડપે પવન ફૂંકાઈ રહ્યો છે અને હજુ પણ તેમાં વધારો થઈ અને 250 કિ.મી પ્રતિ કલાક સુધી પહોંચવાની હવામાન વિભાગ દ્વારા ભીતિ સેવાઇ રહી છે. સાથે સાથે બાંગ્લાદેશ હવામાન વિભાગે આવું પણ કહ્યું છે કે મોકા છેલ્લા 20 વર્ષમાં દેશમાં ટકરાનારૂ સૌથી પ્રચંડ તાકાતવર તોફાન પણ બની શકે છે. પરિણામે દેશનો કોરલ આઇલેન્ડ સેન્ટ માર્ટિન પર ડૂબી જવાનું જોખમ મંડરાઇ રહ્યું છે.

8 NDRFની ટીમ અને 200 કર્મીઓ તૈનાત

બીજી તરફ મોકાને લઇને તંત્ર એલર્ટ બન્યું છે અને એરપોર્ટ તાબડતોબ બંધ કરી દેવામાં આવ્યા છે. સાથે સાથે માછીમારોને પણ દરિયો ન ખેડવા સૂચના આપવામાં આવી છે. વર્લ્ડ મેટ્રોલોજીકલ ઓર્ગેનાઈઝેશને એવી પણ ભીતી દર્શાવી છે કે જો વાવાઝોડાને પગલે ભૂસ્ખલન થાય તો બાંગ્લાદેશ મ્યાનમાર સરહદ પર આવેલ રોહિંગ્યા શરણાર્થી શિબિરને મોટા પાયે અસર થઈ શકે તેમ છે. નોંધનીય છે કે શિબિરમાં લગભગ 8,80 લાખ રોહિંગ્યા રહે છે. જેમાંથી 5 લાખ લોકોને સલામત સ્થળે ખસેડાયા છે. હાલમાં વાવાઝોડું ઉત્તર, ઉત્તર પૂર્વ તરફ આગળ વધતું હોવાથી અંદમાન, નિકોબાર, પશ્ચિમ બંગળ અને ઓડિસ્સામા એલર્ટ જાહેર કરાયા છે અને 8 NDRFની ટીમ અને 200 કર્મીઓ તૈનાત કરાયા છે.

 

#WATCH | West Bengal | Civil defence officials urge people to vacate the Bakkhali Sea beach, in the wake of #CycloneMocha pic.twitter.com/lCGopamVFk

— ANI (@ANI) May 14, 2023

ભારતીય હવામાન વિભાગે વ્યક્ત કરી ભીતિ

ભારતીય હવામાન વિભાગ દ્વારા જણાવાયેલ વિગત અનુસાર 6 કલાકમાં 15 કિ.મીની પ્રતિ ઝડપે આગળ વધતું આ તોફાન 14 મેના રોજ બાંગ્લાદેશના ફોક્સ બજાર અને મ્યાનમારના ક્યુકપ્યુંને પાર કરી શકે છે. વધુમાં પવનની ઝડપ 150 થી થી 175 હોવાની શકયતા દર્શાવી છે.