રિપોર્ટ / ચીન માટે મોટાં સમાચાર : ફરી એક વખત કોરોનાની ઉત્પત્તિને લઈને WHOએ કર્યો મોટો ખુલાસો

• કોરોનાનું મૂળ શોધવા ડબલ્યુએચઓની ટીમના ચીનમાં ધામા
• પ્રયોગશાળામાંથી કોરોના ફેલાયો હોવાની સંભાવના ઘણી ઓછી
• કોરોના ચામાચિડીયામાંથી મનુષ્યોમાં ફેલાયો

WHO ની ટીમે જણાવ્યું કે પ્રયોગશાળામાંથી કોરોના ફેલાયો હોવાની સંભાવના ઘણી ઓછી છે. દુનિયાભરમાં 27 લાખ કરતા પણ વધારે લોકોનો ભોગ લેનારી કોરોના  મહામારી ચીનમાં ક્યાંથી શરુ થઈ તેનું રહસ્ય શોધી કાઢવા WHO એ પ્રયાસો શરુ કર્યાં છે.

કોરોના પ્રયોગશાળામાંથી ફેલાયો નથી

WHO એ તેના ડ્રાફ્ટ રિપોર્ટમાં ઘણા સવાલના જવાબ મળ્યાં નથી. ટીમે પ્રયોગશાળામાંથી વાયરસ ફેલાયો હોવાનો મુદ્દો છોડીને તમામ મુદ્દાઓની તપાસ કરવાની દરખાસ્ત કરી છે. રિપોર્ટને જારી કરવામાં સતત વિલંબ કરાઈ રહ્યો છે જેનાથી સવાલ ઉઠી રહ્યાં છે કે ચીન જાણીજોઈને રિપોર્ટ જારી કરવામાં વિલંબ કરી રહ્યો છે જેથી કરીને તેની પર કોરોના વાઈરસને ફેલાવવાનું આળ ન ચડે.

વિશ્વ આરોગ્ય સંગઠનના એક અધિકારીએ જણાવ્યું કે અમને આશા છે કે ટીમનો રિપોર્ટ આગામી થોડા દિવસોમાં જારી કરી દેવામાં આવશે હાલમાં તો કોરોના ક્યાંથી ફેલાયો તેની તપાસ કરવામાં આવી રહી છે. 

વાયરસના મુખ્ય 4 કારણ 
ડબલ્યુએચઓએ કોરોના વાઈરસની ઉત્પત્તિ માટે ચાર  મુખ્ય કારણો ગણાવ્યાં છે.
(1) એક પ્રાણીમાંથી બીજા પ્રાણીમાં ફેલાવો
(2) ચામાચિડીયામાંથી મનુષ્યોમાં ફેલાવો
(3) કોલ્ડ ચેઈન ખાદ્ય ઉત્પાદોના માધ્યમ દ્વારા થતો ફેલાવો
(4) સી ફૂડ દ્વારા થતો ફેલાવો

મિંક અને બીલાડીઓ પણ કોરોનાનો ફેલાવો કરી શકે છે
ડબલ્યુએચઓની ટીમે એવો પણ ખુલાસો કર્યો છે કે મિંક અને બિલાડીઓ કોરોનાનો ફેલાવો કરી શકે છે. વુહાન મિશનની આગેવાની કરી રહેલી ડબલ્યુએચઓની ટીમના વિશેષજ્ઞ પીટર બેન એમ્બરેકે જણાવ્યું કે રિપોર્ટને અંતિમ સ્વરુપ આપવામાં આવી રહ્યું છે અને હકીકતોને ચકાસણી કરાઈ રહી છે. મને આશા છે કે આગામી થોડા દિવસમાં આ પ્રક્રિયા પૂરી થઈ જશે અને રિપોર્ટ જાહેર કરી દેવામાં આવશે.