હેલ્થ / કોરોના એક વખત થઈ ગયો હોય તો ચેતજો! રિસર્ચમાં થયો છાતી બેસી જાય તેવો ખુલાસો, આવું થઈ શકે

• રિસર્ચમાં કોવિડ-19નાં દર્દીઓનાં ફેફસાંની સ્થિતિ અંગે માહિતી મળી
• યૂરોપિયન અને ચીનીઓની સરખામણીમાં ભારતીયો વધુ અસરગ્રસ્ત
• કોવિડ-19ની રિકવરી બાદ દર્દીઓમાં લંગ્સને લગતી તકલીફોનું માપન

કોવિડ-19 એક એવી મહામારી છે જેણે દેશ અને દુનિયાનાં કરોડો લોકોને પોતાનો પ્રકોપ દેખાડ્યો હતો. લાખો લોકોનું આ બીમારીને લીધે નિધન થયું છે. આ મહામારીએ જે લોકોને થઈ છે તેમના શરીરમાં અનેક અન્ય સમસ્યાઓ પણ પેદા થઈ ગઈ છે. હાલમાં જ એક મેડિકલ રિસર્ચમાં સામે આવ્યું કે કોવિડ-19થી રિકવર થયેલા લોકોમાં ફેફસાં સંબંધિત બીમારીઓનો ખતરો વધી જાય છે. ક્રિશ્ચિયન મેડિકલ કોલેજ, વેલ્લોર દ્વારા પ્રકાશિત એક અધ્યયનમાં જાણવા મળ્યું કે કોવિડ-19 થી બહાર આવનારા ભારતીયોનાં લંગ્સની કાર્યક્ષમતા ઘટી છે અને મહિનાઓ સુધી દર્દીઓને લંગ્સની પ્રોબેલેમ લાંબા સમય સુધી રહી.

ભારતીયોનાં ફેફસાં પર વધારે અસર
રિસર્ચમાં જાણવા મળ્યું કે યૂરોપિયન અને ચીનીઓની સરખામણીમાં ભારતીયોનાં ફેફસાંની કાર્યક્ષમતા વધારે બગડી હતી. રિસર્ચ અનુસાર કોવિડથી રિકવર થયેલા જે ભારતીયોને ફેફસાંની સમસ્યાઓ આવી તેમાંથી કેટલાક લોકોમાં સ્થિતિ ધીરે-ધીરે સામાન્ય થઈ ગઈ જ્યારે ગંભીર લક્ષણોવાળા લોકોને જિંદગીભર ફેફસાં સાથે સંકળાયેલી મુશ્કેલી સાથે રહેવું પડશે.

આ રીતે કોવિડે લંગ્સને પ્રભાવિત કર્યું
ભારતીયોમાં ફેફસાંની કાર્યપ્રણાલી પર  SARS-CoV-2ની અસર તપાસવા માટે 207 લોકોનાં ટેસ્ટ કરવામાં આવ્યાં. મહામારીને પહેલી લહેર દરમિયાન આયોજિત આ રિસર્ચ હાલમાં PLOS ગ્લોબલ પબ્લિક હેલ્થ જર્નલમાં પ્રકાશિત થયું. રિસર્ચમાં કોવિડથી રિકવર થનારા કોવિડનાં હળવા, મધ્યમ અને ગંભીર દર્દીઓનાં કંપ્લીટ લંગ્સ ફંક્શન ટેસ્ટ, 6 મિનીટ વોક ટેસ્ટ, બ્લડ ટેસ્ટ અને લાઈફસ્ટાઈલનું આંકલન કરવામાં આવ્યું.

વધુ વાંચો:  બાળકોની ફેવરિટ કોટન કેન્ડીથી કેન્સરનો ખતરો: આ રાજ્યમાં લગાવાયો પ્રતિબંધ, જીવલેણ છે કેમિકલ

કોવિડ-19ને લીધે સૌથી સંવેદનશીલ લંગ ફંક્શન ટેસ્ટ એટલે કે DLCO જે શ્વાસમાં લેવામાં આવેલી હવાથી ઓક્સીજનને બ્લડ સર્ક્યુલેશનમાં ટ્રાંસફર કરવાની ક્ષમતાનું માપન કરે છે, તે કોરોના કારણે 44% પ્રભાવિત થયું જે ચિંતાનો વિષય છે. રિસર્ચ અનુસાર 35%માં પ્રતિબંધક ફેફસાંમાં ડિફેક્ટ એટલે કે શ્વાસ લેતાં સમયે હવાની સાથે ફેફસાંને ફુલાવવાની ક્ષમતા પર અસર થઈ છે તેમજ 8.3% અવરોધક ફેફસાંમાં ડિફેક્ટ, જે ફેફસાંમાં હવાનાં અંદર અને બહાર જવાની સરળતાને અવરોધી રહી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો