દેશમાં કોરોના વાયરસ સામેની લડાઈમાં બાળકોને સુરક્ષિત કરવા માટે મોટો નિર્ણય લેવામાં આવ્યો છે, બાળકોની કોરોના વેક્સિનને મંજૂરી આપી દેવામાં આવી છે.
દેશમાં હવે બાળકોને મળશે કોરોના વેક્સિન
2 થી 18 વર્ષના બાળકોને મળશે વેક્સિન
કોવેક્સિનને સરકારની મંજૂરી
DGCIએ કોવેક્સિનને આપી મંજૂરી
દેશ અત્યારે કોરોના વાયરસ નામક સૌથી મોટા સંકટ સામે લડી રહ્યું છે ત્યારે કોરોના વાયરસ સામે સૌથી મોટું લડાઈમાં કોરોના વેક્સિન સૌથી મોટો હથિયાર છે. હાલમાં દેશમાં મોટા પાયે વેક્સિનેશન અભિયાન ચલાવવામાં આવી રહ્યું છે ત્યારે હવે બાળકોને કોરોના વેક્સિન આપવા મામલે મોટા સમાચાર આવી રહ્યા છે.
Subject Expert Committee (SEC) has given a recommendation to DCGI (Drugs Controller General of India) for the use of BharatBiotech's Covaxin for 2-18 year olds: Official sources
બાળકોને કોરોના વેક્સિન આપવાની મંજૂરી
દેશમાં અત્યાર સુધીમાં માત્ર 18 વર્ષથી ઉપર હોય તે લોકોને જ રસી આપવામાં આવી રહી હતી પરંતુ હવે બાળકોને વેક્સિન આપવાની મંજૂરી આપી દેવામાં આવી છે. બાળકોને કોરોના વેક્સિન આપવા માટે ભારત સરકાર ભારત બાયોટેકની કોવેક્સિનને મંજૂરી આપી દીધી છે. આ વેક્સિનથી બેથી 18 વર્ષના બાળકોને આપી શકાશે. ભારતમા કરોડો લોકોને કોરોના વેક્સિન આપી દેવામાં આવી છે ત્યારે બાળકો માટે આ અત્યાર સુધીના સૌથી મોટા સમાચાર છે.
કોણે બનાવી છે આ વેક્સિન?
નોંધનીય છે કે ભારત બાયોટેક અને ICMR એ મળીને આ વેક્સિનનું નિર્માણ કર્યું છે અને ક્લિનિકલ ટ્રાયલ્સમાં આ વેક્સિન 78 ટકા સુધી કારગર સાબિત થઈ છે.
ભારત સરકાર જાહેર કરી શકે છે ગાઈડલાઇન
કોરોના વેક્સિન માટે અત્યારે લોકો માટે જે ગાઈડલાઇન્સ છે તેના સિવાય ભારત સરકાર બાળકો માટે ટૂંક સમયમાં અલગથી ગાઈડલાઇયન્સ જાહેર કરશે. સૂત્રો દ્વારા મળેલ માહિતી અનુસાર બાળકોને પણ બે ડોઝ આપવાની નીતિ અપનાવાઈ શકાય છે. ક્લિનિકલ ટ્રાયલ્સમાં કોઈ પણ બાળકને સાઈડ ઈફેક્ટ સામે આવ્યા નથી.
ત્રીજી લહેર આવે તે પહેલા મોટો નિર્ણય
નોંધનીય છે કે દેશમાં કોરોના વાયરસની ત્રીજી લહેરની આશંકા છે. જોકે મોટા પાયે વેક્સિનેશન આગળ વધી રહ્યું છે એવામાં સંભવિત ત્રીજી લહેર પહેલા બાળકોને સુરક્ષિત કરી દેવા માટે આ સૌથી મોટો નિર્ણય માની શકાય. કોરોના વાયરસ સામે લડવા માટે વેક્સિન ખૂબ મદદગાર સાબિત થઈ રહી છે.