- બરોડા ડેરી સામેના ભ્રષ્ટાચારના આરોપનો મામલો
- કેતન ઇનામદાર સાથે અન્ય 5 ધારાસભ્યો જોડાશે
- શૈલેષ મેહતા,અક્ષય પટેલ,ચૈતન્યસિંહ ઝાલા પણ જોડાશે
બરોડા ડેરીના વહીવટમાં ગેરરીતિની રાવને લઇને વખતો વખત ડેરી ચર્ચામાં આવી છે. આવી સ્થિતિમાં ફરી એકવાર બરોડા ડેરી ચર્ચામાં આવી છે. ધારાસભ્ય કેતન ઇનામદારે ડેરીમાં સગાઓને નોકરી આપવાના તેમજ વિવિધ ગોટાળાને લઈ આક્ષેપો કર્યો છે, જેને લઈ બરોડા ડેરીના રાજકારણમાં ભારે હલચલ મચી છે. જે મુદ્દે કેતન ઈમાનદાર સાથે વધુ પાંચ ધારાસભ્યો જોડાશે.
ધારાસભ્યો ડેરીના વિવિધ મુદ્દે કરશે ચર્ચા
બરોડા ડેરી સામેના ભ્રષ્ટાચારના આરોપ મામલે ધારાસભ્ય કેતન ઇનામદાર સાથે અન્ય 5 ધારાસભ્યો જોડાશે. જેમાં શૈલેષ મેહતા,અક્ષય પટેલ,ચૈતન્યસિંહ ઝાલા અને ધર્મેન્દ્રસિંહ વાઘેલા પણ જોડાયા છે. પાપ્ત માહિતી અનુસાર 17મી ફેબ્રુઆરીએ તમામ 5 ધારાસભ્યો સવારે 11 વાગ્યે ત્રિ-મંદિર ખાતે ભેગા થશે. જિલ્લાના 5 ધારાસભ્યો તેમજ પશુપાલકો અને દૂધ ઉત્પાદકોના પ્રશ્નો સાંભળશે. બરોડા ડેરી દ્વારા પશુપાલકોને રાજ્યના બીજા સંઘોની સરખામણીએ કિલો ફેટ ઓછાભાવનો મુદ્દે તેમજ બજારમાં ખરીદભાવ કરતા ઉંચા ભાવે વેચાણ, દૂધની મંડળીઓ બંધ થવા મામલાના પ્રશ્નોની ચર્ચાઓ થશે.
(1).jpg)
કેતન ઇનામદારે ડેરી પર ગંભીર આક્ષેપો કર્યા
બે દિવસ અગાઉ MLA કેતન ઇનામદારે બરોડ ડેરીમાં ભ્રષ્ટાચારનો આક્ષેપ લગાવતા જણાવ્યું હતું કે, બરોડા ડેરીના નિયામક મંડળ અને એમ.ડી પશુપાલકના હિતમાં નિર્ણયો નથી લેતા. કોલ્ડ રૂમના મેન્ટનન્સના ટેન્ડરમાં ભ્રષ્ટાચારનો પણ આક્ષેપ કર્યો છે. તેમણે કહ્યું કે, ટેન્ડર 24 લાખનું હતું પરંતુ 29 લાખમાં આપ્યું તેમજ જે એજનસીનું 24 લાખનું ટેન્ડર હતું તેનેજ 28 લાખ આપ્યું છે. તેમણે વધુમાં આક્ષેપ કરતા જણાવ્યું હતું કે, ચીઝ કેટલના ટેન્ડરમાં પણ 37 લાખનો ભ્રષ્ટ્રાચાર થયોનો આક્ષેપ કર્યો હતો. બોડેલી ચિલિંગ સેન્ટરનો ક્ષમતા મુજબ ઉપયોગ ન કરીને ડેરીને નુકશાન કર્યું છે તેમ પણ જણાવ્યું હતું.
સમગ્ર મામલો
બરોડા ડેરી પર ફરી એક વાર ભ્રષ્ટાચારના આક્ષેપ કરવામાં આવ્યા છે. સાવલીના ધારાસભ્ય કેતન ઈમાનદારે ડેરી વહીવટ અંગે પોતાના લેટરપેડ ઉપર નામ જોગ રજૂઆત કરી થોડા દિવસ અગાઉ પણ તપાસની માંગ ઉઠાવી હતી. જેમાં તેમણે કહ્યું હતું કે, ડેરીના વહીવટદારોએ સત્તાનો દુરુપયોગ કરી પોતાના ભત્રીજા, ભાણેજ સહિતનાઓને નોકરીએ લગાડી દીધાના કિસ્સાઓ ધ્યાને આવ્યા છે. તેમણે કુલ 19 મુદ્દાને લઈને લેખિત રજૂઆત કરી ગંભીર આક્ષેપો કર્યા હતા.
