કોરોના સંકટ / જાણો કોરોના વાયરસની બીજી લહેર ક્યારે ચરમ પર હશે, SBI રિપોર્ટમાં કહેવાયું- હવે માત્ર એક જ ઉપાય

• દેશમાં કોરોનાના સંક્રમણના કેસ સતત વધી રહ્યા
• બીજી લહેરનો સામનો કરી રહ્યો દેશ
• બીજી લહેરની એપ્રિલના બીજા અઠવાડિયામાં ચરમ પર હશેઃ SBI રિપોર્ટ

રિપોર્ટ અનુસાર, કોરોનાની બીજી લહેર દેશમાં 100 દિવસો સુધી ચાલી શકે છે, બેંક 15 ફેબ્રુઆરી બાદથી સંક્રમણના કેસોની ગણતરી કરી રહી છે. બેંકે પોતાના રિપોર્ટમાં કહ્યું કે, 23 માર્ચ સુધી ટ્રેન્ડ્સના આધાર પર કોરોના વાયરસની બીજી લહેરમાં સંક્રમણના કેસ 25 લાખ સુધી થઇ શકે છે. 

રિપોર્ટ અનુસાર, ફેબ્રુઆરીની શરૂઆતથી દેશમાં કોરોના વાયરસની બીજી લહેર ચાલી રહી છે. પ્રતિદિન કેસ સતત વધી રહ્યા છે. 23 માર્ચ સુધીના વલણોને જોતા દેશમાં કોરોનાની બીજી લહેર કુલ કેસ 25 લાખ સુધી હોય શકે છે. રિપોર્ટમાં કહેવામાં આવ્યું છે કે બીજી લહેરની ચરમ એપ્રિલના બીજા અઠવાડિયામાં જોવા મળી શકે છે.

એનડીટીવીના અનુસાર રિપોર્ટમાં કહેવામાં આવ્યું છે કે, સ્થાનિક સ્તર પર લૉકડાઉનનો કોઇ ખાસ પ્રભાવ નથી દેખાય રહ્યો અને કોરોના વાયરસ સંક્રમણ વિરૂદ્ધ મોટા પ્રમાણમાં રસીકરણ જ આ લડાઈનું એક માત્ર આશા જણાઇ રહી છે. રિપોર્ટ અનુસાર મહારાષ્ટ્ર અને પંજાબ જેવા રાજ્યોમાં આ દેખાય પણ રહ્યું છે.

દેશમાં 5 મહિના બાદ કોરોનાના કેસ 50 હજારને પાર

જણાવી દઇએ કે, દેશભરમાં છેલ્લા 24 કલાકમાં કોરોના વાયરસનું સંક્રમણ 53,476 નવા કેસ સામે આવ્યા છે, જ્યારે 251 લોકોના મોત થયા છે. સ્વાસ્થ્ય મંત્રાલય તરફથી જાહેર કરવામાં આવેલા આંકડા અનુસાર, કોરોનાના નવા કેસ સામે આવ્યા બાદ દેશમાં કુલ સંક્રમિતોની સંખ્યા એક કરોડ 17 લાખ 87 હજાર 534 થઇ ગઇ છે. દેશમાં અત્યાર સુધી 1 કરોડ 12 લાખ 31 હજાર 650 દર્દીઓ સાજા થઇ ચૂક્યા છે, જ્યારે આ સમયે 3 લાખ 95 હજાર 192 એક્ટિવ કેસ છે. છેલ્લા 24 કલાકમાં થયેલા મોત બાદ દેશમાં મૃત્યુઓની સંખ્યા વદીને હવે 1 લાખ 60 હજાર 692 પર પહોંચી ગઇ છે.