સકારાત્મકતા / સલામ છે આ કોરોના સામે લડતા લડવૈયાઓને, જુઓ ડોક્ટરોએ દર્દીઓને ખુશ કરવા શું કર્યુ?

• દાહોદના મન પ્રફૂલ્લિત કરી દેતા દ્રશ્યો
• સ્ટાફ નર્સ અને ડોક્ટરે કર્યો ડાન્સ
• સ્ટાફ નર્સ અને ડોક્ટર ગરબે ઝૂમ્યા

દાહોદમાં કોરોનાના કહેર વચ્ચે મન પ્રફૂલ્લિત કરી દેતા દ્રશ્યો સામે આવ્યા છે. દાહોદની ઝાયડસ હોસ્પિટલમાં સ્ટાફ નર્સ અને ડોક્ટર ગરબે ઝૂમ્યા હતા. હાલ તમામ જગ્યાએ કોરોનાની નેગેટીવીટીએ કબજો જમાવ્યો છે ત્યારે ખીન્ન મન્નને પ્રશંન્ન કરવું જરૂરી છે. 

કોરોનાની કોઈ દવા નથી એ આપણને ખબર છે તે માટે વેક્સિન શોધાઈ છે પણ તે લીધા બાદ પણ કોરોના નહીં થાય તેની ગેરન્ટી નથી એ પણ આપણને ખબર છે ત્યારે આપણી કોરોના પોઝિટિવિ નહીં પણ જીવનને જોવાની પોઝિટિવિટી જ કામ આવશે. 

એવામાં આ કોરોના વોરિયર્સ જે દિવસના કેટલાય દર્દી અને દર્દીના સગાને આંસુઓ સારતા જુએ છે તેમણે જ દર્દીઓનું મન હળવું કરવા ગરબા અને ડાન્સ કર્યો હતો. દાહોદમાં ઝાયડસમાં સ્ટાફ નર્સ, અને ડોક્ટરોએ ઠુમકા લગાવી દર્દીઓનો મૂડ હળવો  કર્યો હતો. હાસ્ય જેવી એકેય દવા નથી. તમે પણ પ્રસન્ન રહો અને બીજાને પ્રસન્ન કરો.