- ભારતને અનલૉક 1 પડ્યું ભારે
- 20 દિવસમાં અઢી ગણો વધ્યો ડેથ રેટ
- ભારતમાં કોરોનાનો કુલ આંક 4.10 લાખને પાર પહોંચ્યો
આ મહિનાની શરૂઆતમાં ભારતમાં કોરોના વાયરસથી ડેથ રેટ 4 હતો. જેમ જેમ મહિનો આગળ વધતો ગયો ડેથ રેટમાં પણ વધારો જોવા મળ્યોય આજની તારીખમાં દેશમાં ડેથ રેટ 10 છે. એટલે કે 20 દિવસમાં તે અઢી ગણો વધ્યો છે. મોતના આંકડા વધવા તે પણ ચિંતાનો વિષય છે. જો આ સ્થિતિ કાયમ રહી તો આવનારો જુલાઈ ભારતમાં ડેથ રેટ વધારી શકે છે. એક રિપોર્ટ અનુસાર જુલાઈ અને ઓગસ્ટમાં ભારતમાં કોરોના પીક પર હોઈ શકે છે અને ખતરો વધી શકે છે.
દુનિયામાં આવી છે સ્થિતિ
દુનિયાની વાત કરીએ તો આજે દેશમાં કોરોનાથી ડેથ રેટ 10 છે અને દુનિયામાં તે સરેરાશ 60 છે. એટલે કે આ વાયરસથી પ્રતિ 10 લાખ આબાદી પર ભારતમાં 10 અને દુનિયામાં 60 લોકો જીવ ગુમાવી રહ્યા છે. જૂનની શરૂઆતમાં દુનિયાનો ડેથ રેટ 52 હતો જે હવે સતત વધી રહ્યો છે. વર્લ્ડોમીટર અનુસાર દુનિયામાં 90 લાખ લોકો કોરોના સંક્રમિત થઈ ચૂક્યા છે.
બાંગ્લાદેશમાં ભારતથી ઓછો છે ડેથ રેટ
પડોશી દેશની વાત કરીએ તો ચીન, બાંગ્લાદેશ, નેપાળ, ભૂટાન, શ્રીલંકામાં ભારતથી ડેથ રેટ ઓછો છે. ચીનમાં ડેથ રેટ 3 અને બાંગ્લાદેશમાં 9 છે. અફઘાનિસ્તાનમાં 15, પાકિસ્તાનમાં 16 છે. નેપાળ અને શ્રીલંકામાં 1થી પણ ઓછો છે. ભૂટાનમાં શૂન્ય છે.
બ્રિટન, સ્પેન અને ઈટલીમાં 500થી વધુ
ભારત જ નહીં, અમેરિકા, બ્રાઝિલ, રૂસ સહિત અનેક દેશોમાં કોરોનાનો ડેથ રેટ વધી રહ્યો છે. સૌથી વધારે કેસ વાળા 10 દેશોમાં સૌથી વધારે ડેથ રેટ બ્રિટનમાં 628, સ્પેનમાં 606 અને ઈટલીનો 576 છે. અમેરિકામાં 369, બ્રાઝિલમાં 276 અને રૂસમાં 56 છે.
રિકવરી રેટમાં આવી રહ્યો છે સુધારો
રાહતની વાત તો એ છે કે ભારતમાં કોરોનાથી સાજા થયેલા દર્દીની સંખ્યા વધી રહી છે. ભારતમાં જૂનની શરૂઆતમાં કોરોના દર્દીનો રિકવરી રેટ 47 ટકાની આસપાસ છે. જે હવે 55 ટકાથી વધ્યો છે. આ સમયે દુનિયાનો રિકવરી રેટ પણ વધ્યો છે અને તે 53 ટકા સુધી પહોંચ્યો છે. વર્લ્ડોમીટર અનુસાર ભારતમાં હાલમામં 4.25 લાખ લોકો કોરોના સંક્રમિત થઈ ચૂક્યા છે. તેમાંથી 2.37 લાખ લોકો સ્વસ્થ થઈ ચૂક્યા છે.
