ચિંતાજનક / નિષ્ણાતોએ ચેતવ્યા, માત્ર ફેફસાં નહીં પરંતુ શરીરનું આ અંગ પણ ખરાબ કરી નાંખે છે કોરોના

• કોરોનાથી સાજા થયેલા દર્દીઓમાં નવી સમસ્યા 
• દર્દીઓની કિડની પર થઈ રહી છે ભારે અસર 
• સાજા થયેલા દર્દીઓને તબીબોએ આપી ચેતવણી 

કોરોનાની બીજી લહેર ભારત માટે ઘણીજ ઘાતક સાબિત થઈ હતી. ઘણા બધા લોકોના કોરોનાને કારણે મોત થયા હતા. પરંતું જે લોકોને કોરોનાની ગંભીર અસર થઈ હતી તે લોકોને તેમની કિડનીને લઈને ધ્યાન રાખવાની જરૂર છે. આ મામલે તબીબો દ્વારાજ સલાહ આપવામાં આવી છે. કારણકે કોરોનાથી સાજા થયેલા લોકોની કીડની ઉપર પણ ગંભીર અસર થઈ રહી છે. 

કિડની પર ગંભીર અસર 

ફેફસાની સાથે સાથે કિડની ઉપર પણ કોરોના અસર કરતો હોવાની માહિતી સામે આવી છે. જોકે જે લોકોને કોરોનાની ગંભીર અસર થઈ હતી તે લોકોની કિડની ઉપરજ અસર થઈ છે. દિલ્હીના તબીબોનું કહેવું છે કે કોરોનાને કારણે શરિરમાં ઓક્સિજન સ્તર ઓછું થાય છે, જેના કારણે કિડનીને નુકશાન થાય છે. 

કિડની પર સોજા 

દિલ્હીના તબીબોએ એવું પણ કહ્યું કે કોરોનાની ગંભીર અસરને કારણે શરીરમાં કિડની સહિત અન્ય અંગો પર સોજા આવી જતા હોય છે. પરંતુ કિડની પર સોજા આવતા દર્દીને ભારે તકલીફ થઈ જાય છે. જેથી તે સારવાર માટે ફરી હોસ્પિટલમાં આવે છે. 

કોશિકાઓ સંક્રમિત થતા સમસ્યામાં વધારો 

સમગ્ર મામલે કિડનીના સ્પેશ્યાલિસ્ટ દ્વારા એવું કહેવામાં આવ્યું છે કે કોરોનામાં કિડનીની કોશિકાઓ પણ સંક્રમીત થતી હોય છે. કિડનીની કોશિકાઓમાં રિસેપ્ટર્સ હોય છે. જે નવા કોરોના વાયરસને તેની સાથે જોડે છે સાથેજ તેની સંખ્યા વધી જતા ભારે નુકશાન થતું હોય છે.

ઓક્સિજનના અભાવને કારમે કિડની પર અસર 

વિશેષજ્ઞોનું કહેવું છે કે રિસેપ્ટર્સ ફેફસા અને હ્રદયની કોશિકાઓ પર મોટા ભાગે હોય છે. પરંતુ કોરોનાના દર્દીઓમાં ઓક્સિજનના અભાવને કારણે તેની અસર કિડની પર થાય છે. જોકે જે લોકોને કોરોનાના ગંભીર લક્ષણો હોય છે, તેજ લોકોમાં આ સમસ્યા જોવા મળતી હોય છે. 

રક્તવાહિકાઓ પર અસર 

આપણા શરીરમાં કિડની ફિલ્ટરની જેમ કામ કરે છે. પરંતુ કોરોનાને કારણે કિડની પર અસર થતા તેની સૌથી નાની રક્તવાહિકાઓ રોકાઈ જાય છે. જેથી કિડની બરાબર કામ નથી કરી શકતી. પરિણામે દર્દીને ભારે તકલીફ પડતી હોય છે. 

ગંભીર બિમારી વાળા દર્દીઓએ ધ્યાન રાખવાની જરૂર 

ઉલ્લેખનીય છે કે કોરોનાના ગંભીર લક્ષણોમાં ઘણા લોકોની કિડની પર અસર થઈ હોવાનું સામે આવ્યું છે. જે પણ દર્દીઓને સમસ્યા થઈ છે તેમને પહેલા કોઈ સમસ્યા ન હતી. પરંતુ જે લોકોને ડાયાબિટીસ , પથરી, વગેરે જેવી બિમારીઓ છે. તે લોકોને આ સમસ્યા પહેલા થઈ શકે છે.