રાજનીતિ / મહારાષ્ટ્રમાં કોંગ્રેસ કિંગ મેકરના રોલમાં, તો શું NCP અને શિવસેના આવું સમીકરણ રચી શકે?

• કોંગ્રેસ શિવસેના અને NCP બંનેને નચાવી રહ્યું છે
• વર્ષોથી સત્તા વંચિત NCPને કોઈ પણ ભોગે સત્તામાં આવવું છે
• શિવસેનાના મુખ્યમંત્રી પદના અભરખા હજુ પુરા થયા નથી
   

શિવસેના CM પદની શરત સાથે NCPને ટેકો આપશે

હાલમાં ચાલી રહેલી આંતરિક ગડમથલ વચ્ચે રાજકીય વિશ્લેષકોના મતે મહારાષ્ટ્રમાં કંઈક નવું જ સમીકરણ બની રહ્યું છે. સાંજ સુધીમાં NCP રાજ્યપાલના આમંત્રણ પર સરકાર બનાવશે અને શિવસેનાનો ટેકો લેવાં મુખ્યમંત્રી પદ્દ ઓફર કરી શકે છે. અને કોંગ્રેસ પાસેથી ટેકો લઈ ફ્લોર ટેસ્ટમાં બહુમતી સાબિત કરશે. જો કે ત્રિપક્ષીય સરકાર કેટલાં દિવસ ચાલશે એતો રામ જ જાણે. 

મહારાષ્ટ્રમાં કોંગ્રેસ કિંગ મેકર સાબિત થશે

ગઈકાલે શિવસેનાને ટેકો આપવાં તૈયાર થઈ ગયેલી કોંગ્રેસ અચાનક સાંજે ના કહેવા મંડી અને શિવસેનાને લટકતી છોડી દીધી. જો કે NCP સાથે રહી ચૂંટણી લડનાર કોંગ્રેસ આજે ટેકો દેવા માટે વિચારી રહી છે. જો કે રાજકીય વિશ્લેષકોનાં મતે મહારાષ્ટ્રની સરકારમાં કોંગ્રેસ બહારથી ટેકો આપી કિંગ મેકરના રોલમાં હશે. 
 
શિવસેનાના વળતાં પાણી વચ્ચે અંતિમ મરણીયો પ્રયાસ

ભાજપ સાથેથી છેડાં ફાડ્યા બાદ શિવસેના પોતે સરકાર બનાવી ઉદ્ધ ઠાકરે મુખ્યમંત્રી બનાવવાના અભરખા હજુ પુરા થયા નથી. આથી હવે તો NCPને ટેકો આપી ફરી સરકારમાં આવવાં ઉતાવળ કરી રહ્યા છે. શિવસેના NCP સાથે એવું સમાધાન કરી શકે છે કે CM અમારાના સરકાર તમારી.