સંક્રમણ / કોંગ્રેસના વરિષ્ઠ નેતા ગુલામ નબી આઝાદ કોરોનાની ઝપેટમાં, થયા હોમ ક્વૉન્ટાઈન

• કોંગ્રેસના દિગ્ગજ નેતા કોરોના પોઝિટિવ 
• ગુલામ નબી આઝાદે ટ્વિટ કરીને આપી જાણકારી 
• મારા સંપર્કમાં દરેક લોકો કોરોના પ્રોટોકોલનું પાલન કરે : આઝાદ 

કોંગ્રેસ નેતા ગુલામ નબી આઝાદની કોરોના રિપોર્ટ પોઝિટિવ આવી છે. રિપોર્ટ પોઝિટિવ આવતા તેઓ હાલ હોમ ક્વૉન્ટાઈન થઇ ગયા છે. કોરોના સંક્રમિત થતાં તેમણે ટ્વિટના માધ્યમથી અપીલ કરતા કહ્યું કે છેલ્લા અમુક દિવસમાં જે પણ લોકો મારા સંપર્કમાં આવ્યા હતા તે કોરોનાના પ્રોટોકોલનું પાલન કરે. 

I have tested positive for COVID-19. I am in home quarantine. Those who came in contact with me in last few days may kindly follow the protocol.

— Ghulam Nabi Azad (@ghulamnazad) October 16, 2020

રાજ્યસભામાં કોંગ્રેસના ઉપનેતા આનંદ શર્માએ ગુલામ નબી આઝાદના કોરોના સંક્રમિત થયા હોવાના સમાચાર પર ચિંતા વ્યક્ત કરી અને જલ્દી સ્વસ્થ થવાની પ્રાર્થના કરી. 

નોંધનીય છે કે કોંગ્રેસના ઘણા બધા નેતાઓ મહામારીની ઝપેટમાં આવી ગયા છે. આઝાદ પહેલા મોતીલાલ વોરા, અહમદ પટેલ, અભિષેક મનુ સિંઘવી, પીએલ પુનિયા, તરુણ ગોગોઈ, આરપીએન સિંહ સહીતના ઘણા બધા નેતા છેલ્લા અમુક દિવસોમાં કોરોના પોઝિટિવ થયા છે. 

આ સિવાય દેશના મોટા મંત્રીઓ અને ભાજપ નેતાઓ પણ કોરોના પોઝિટિવ થયા હતા. કેન્દ્રીય ગૃહમંત્રી અમિત શાહ, નીતિન ગડકરી, પ્રહલાદ પટેલ અને ઉપરાષ્ટ્રપતિ વૈંકૈયા નાયડુ પણ કોરોનાની ઝપેટમાં આવી ચુક્યા છે.