શર્મસાર / રાજકોટની કોલેજના પ્રોફસરે PHDની વિદ્યાર્થીની સાથે શું કર્યું? યુનિ.તપાસમાં ઘટસ્ફોટ, કુલપતિએ લીધું એક્શન

• રાજકોટની એમ.જે.કુંડલિયા કોલેજના પ્રોફસરનું કાળુ કારસ્તાન 
• પ્રોફેસર જ્યોતિન્દ્ર જાનીએ કરી વિદ્યાર્થિનીની જાતીય સતામણી 
• વિદ્યાર્થિનીએ જ્યોતિન્દ્ર જાની વિરુદ્ધ યુનિવર્સિટીમાં કરી હતી ફરિયાદ 

રાજકોટમાં શિક્ષણ જગતને શર્મશાર કરતો કિસ્સો સામે આવ્યો છે. રાજકોટની સૌરાષ્ટ્ર યુનિવર્સિટી જાણે વિવાદોની પર્યાય બની ગઈ હોય તેવું લાગી રહ્યું છે. કારણકે યુનિવર્સિટીમાં એક બાદ એક વિવાદો સામે આવી રહ્યાં છે. ત્યારે હવે પ્રોફેસર દ્વારા વિદ્યાર્થિનીની છેડતીને લઈને વિવાદ ઉભો થયો છે. સૌરાષ્ટ્ર યુનિવર્સિટીના વધુ એક પ્રોફેસરનું નામ યૌન શોષણના પ્રકરણમાં સામે આવ્યું છે.

અણછાજતું વર્તન કર્યું
એમ. જે. કુંડલિયા કોલેજના પ્રોફેસર પાસે Ph.D કરતી એક વિદ્યાર્થિની સાથે ગાઈડ જ્યોતિન્દ્ર જાનીએ અણછાજતું વર્તન કરી શારીરિક છેડછાડ કરી હોવાની ફરિયાદ નોંધાઈ હતી. જેને લઈને કુલપતિએ UGCના નિયમ મુજબ એક કમિટીની રચના કરીને તપાસનો આદેશ કર્યો હતો. તપાસ દરમિયાન કમિટી સમક્ષ કેટલીક ચોંકાવનારી હકીકત આવી હતી અને પ્રોફેસરે વિદ્યાર્થિનીની અનિચ્છા હોવા છતાં તેને સ્પર્શ કરી સન્માન ઘવાય તેવા શબ્દો ઉચ્ચાર્યા હતા. કમિટીના રિપોર્ટના આધારે કુલપતિ ડોક્ટર ગિરીશ ભીમાણીએ કુંડલિયા કોલેજના પ્રોફેસર સામે 7 દિવસમાં પગલાં લેવા એમ.જે. કુંડલિયા કોલેજના સંચાલકોને આદેશ કર્યો છે.

સૂત્રોચ્ચાર સાથે વિરોધ કરવામાં આવ્યો
સમગ્ર મામલે NSUI અને કોંગ્રેસ દ્વારા પણ કુંડલિયા કોલેજ ખાતે સૂત્રોચ્ચાર સાથે વિરોધ કરવામાં આવ્યો. પ્રોફેસર જ્યોતિન્દ્ર જાનીને સસ્પેન્ડ કરવાની માગ કરવામાં આવી. જ્યારે NSUI અને કોંગ્રેસના કાર્યકરોએ એમ.જે.કુંડલિયા કોલેજ ખાતે વિરોધ દર્શાવી પ્રોફેસરને સસ્પેન્ડ કરવાની માગ કરી, ત્યારે એમ.જે.કુડલિયા કોલેજના સત્તાધીશો ક્યાંકને ક્યાંક પ્રોફેસર જ્યોતિન્દ્ર જાનીને બચાવવાનો પ્રયાસ કરતા જોવા મળ્યા. આ કોઈ પ્રથમ ઘટના નથી. સૌરાષ્ટ્ર યુનિવર્સિટીમાં અગાઉ પણ આવી ઘટનાઓ બની ચૂકી છે. ત્યારે હવે આ પ્રોફેસર સામે શું પગલા લેવાય છે તે જોવું રહ્યું.