Budget 2025 / બાટલા પર ચઢ્યો બજેટનો રંગ! સામાન્ય લોકોને મોટી રાહત, LPG સિલિન્ડરની કિંમતોમાં ઘટાડો

બજેટ પહેલા સામાન્ય માણસને મોટી રાહત મળી છે. આજથી એટલે કે 1લી ફેબ્રુઆરીથી કોમર્શિયલ સિલિન્ડરના ભાવમાં 7 રૂપિયાનો ઘટાડો કરવામાં આવ્યો છે. ઘટાડેલી કિંમતો માત્ર 19 કિલોના કોમર્શિયલ સિલિન્ડર પર જ લાગુ થશે, જ્યારે ઘરેલુ સિલિન્ડરની કિંમતોમાં કોઈ ફેરફાર કરવામાં આવ્યો નથી. ગયા મહિને, સૌથી મોટી OMC, ઇન્ડિયન ઓઇલ કોર્પોરેશન (IOC) એ 6 મહિનામાં પ્રથમ વખત 19 કિલોના સિલિન્ડરની કિંમતમાં 14.5 રૂપિયાનો ઘટાડો કર્યો હતો, જે મેટ્રો શહેરોમાં તેને 16 રૂપિયા પર લઈ ગયો હતો. નવા વર્ષ 2025થી 19 કિલોના સિલિન્ડરમાં LPGની કિંમત સતત બીજા મહિને ઘટી રહી છે.

દિલ્હીમાં એલપીજીના ભાવ

એલપીજીના ભાવમાં આ ફેરફાર બજેટના કલાકો પહેલાં જ આવ્યો છે. દિલ્હીમાં મહત્તમ 7 રૂપિયાનો ઘટાડો થયો હતો, જેના કારણે 19 કિલોના એલપીજી સિલિન્ડરની કિંમત 1797 રૂપિયા થઈ ગઈ હતી, જ્યારે ગયા મહિને તેની કિંમત 1804 રૂપિયા પ્રતિ સિલિન્ડર હતી.

ઘરેલુ સિલિન્ડરના ભાવની શું સ્થિતિ?

ઘરેલુ સિલિન્ડરની વાત કરીએ તો 1 ઓગસ્ટ, 2024થી તેની કિંમતોમાં કોઈ ફેરફાર કરવામાં આવ્યો નથી. ફેબ્રુઆરી 2025માં પણ 14.2 કિલોના સિલિન્ડરની કિંમત દિલ્હીમાં 803 રૂપિયા, કોલકાતામાં 829 રૂપિયા, મુંબઈમાં 802.50 રૂપિયા અને ચેન્નાઈમાં 818.50 રૂપિયા હશે.

ઉડ્ડયન ઈંધણ મોંઘું

ઉડ્ડયન ઈંધણ પણ મોંધું થયું છે. OMCs એ એટીએફના ભાવમાં ₹ 5078.25/kgનો વધારો કરીને ઉડ્ડયન ઇંધણના ભાવમાં વધારો કર્યો છે. અગાઉ જાન્યુઆરીમાં ATF ₹1401.37/kg લિટર સસ્તું થયું હતું. ડિસેમ્બરમાં ₹1318.12/kg લિટરનો વધારો થયો હતો, જ્યારે નવેમ્બર મહિનામાં પણ ભાવમાં ₹2,941.5/kg લિટરનો વધારો થયો હતો.