અવસાન / એક્ટર અને કોમેડિયન વિવેકનું ચેન્નઈની હોસ્પિટલમાં નિધન, 16 એપ્રિલે આવ્યો હતો હાર્ટ એટેક

• એક્ટર વિવેકનું ચેન્નઈની હોસ્પિટલમાં નિધન
• 16 એપ્રિલે આવ્યો હતો હાર્ટ એટેક
• 15 એપ્રિલે વિવેકે કોરોના વેક્સિન લગાવી હતી

એક્ટર વિવેકને હાર્ટ એટેક બાદ ડૉક્ટર્સથી ECMO ટ્રીટમેન્ટ મળી રહી હતી. તેઓ ICUમાં ડૉક્ટર્સની દેખરેખમાં હતા. જોકે આજે સવારે 4.45 કલાકે તેમણે દુનિયાને અલવિદા કહી દીધું. મહત્વનું છે કે, વિવેકે કોવિડ વેક્સિનનો પહેલો ડોઝ પણ લીધો હતો, જ્યારબાદ તેમણે મીડિયા સાથે મુલાકાત કરી હતી અને તેમણે કોવિડ વેક્સિન લગાવવાની જરૂરીયાત અંગે જણાવ્યું હતું.

ગુરૂવારે લગાવી હતી કોરોના વેક્સિન

15 એપ્રિલે વિવેકે કોરોના વેક્સિન લગાવી હતી. વિવેક પોતાના મિત્રો સાથે Omandurar સરકારી હોસ્પિટલમાં કોવિડ વેક્સિનનો પહેલો ડોઝ લેવા ગયા હતા. ત્યારબાદ તેમણે મીડિયા સાથે વાતચીત કરી, જ્યાં તેમણે જણાવ્યું હતું કે, કોવિડ વેક્સિન લગાવવા માટે તેમણે પ્રાઇવેટ હોસ્પિટલની જગ્યાએ સરકારી હોસ્પિટલ પસંદ કરી. તેમણે કહ્યું કે, હું તમને જણાવવા માંગું છું કે, કોવિડ વેક્સિન સેફ છે. આપણે એ ન વિચારીએ કે જો આપણે કોરોના વેક્સિન લગાવી લઇશું તો બીમાર નહીં પડીએ. ધ્યાન તો આપણે પછી પણ રાખવું પડશે. વેક્સિન આ વાત માટે હવે આપણને રાહત આપે છે કે આને લગાવ્યા બાદ ખતરો પહેલાથી બહુ ઓછો થઇ જશે.

પદ્મશ્રી વિજેતા રહ્યા હતા વિવેક

તમિલ સિનેમામાં કામ કરનારા વિવેક એક્ટરની સાથો સાથ કૉમેડિયન પણ હતા. તેમણે રજનીકાંત, કમલ હાસન, અજિત, વિજય, માધવન અને વિક્રમ સાથે કામ કર્યું હતું. માધવનની ફિલ્મ રન તેમના માટે સૌથી મોટી બ્રેક સાબિત થઇ હતી. સિનેમામાં તેમના યોગદાન માટે સરકારે તેમને પદ્મશ્રી એવોર્ડથી સન્માનિત કર્યા હતા.