આઈપીએલ / IPL Auction 2021 : ક્રિસ મોરિસે યુવરાજનો રેકોર્ડ તોડ્યો, 16.25 કરોડમાં આ ટીમે ખરીદ્યો

𝗖𝗵𝗿𝗶𝘀 𝗶𝗻 𝗧𝗲𝗿𝗺𝗶𝗻𝗮𝘁𝗼𝗿’𝘀 𝘃𝗼𝗶𝗰𝗲:

“I’m back”. 😎 #HallaBol | #RoyalsFamily | #IPLAuction | #IPL2021 | @Tipo_Morris pic.twitter.com/xLQYKoLzaw

— Rajasthan Royals (@rajasthanroyals) February 18, 2021

ક્રિસ મોરિસ બન્યો માલામાલ

બેઝ પ્રાઇઝ 75 લાખ ધરાવનાર સાઉથ આફ્રિકાનાં બોલર ક્રિસ મોરિસ પર થઈ ધન વર્ષા, ટીમોએ ખરીદવા માટે પડાપડી કરી, રાજસ્થાન રોયલ્સે 16.25 કરોડમાં ખરીદ્યો, આઈપીએલ ઈતિહાસનો સૌથી મોંઘો પ્લેયર બન્યો ક્રિસ મોરિસ.

અનકેપ્ડ પ્લેયરની લાગી લોટરી

કે. ગૌતમને 9.25 કરોડમાં ચેન્નઈ સુપર કિંગ્સે ખરીદ્યો જે બન્યો સૌથી મોંઘો અનકેપ્ડ પ્લેયર ફક્ત 20 લાખની બેઝ પ્રાઇઝ હતી.

બીજા સેશનમાં આ પ્લેયર રહ્યો સૌથી મોંઘો

ઓસ્ટ્રેલિયાનાં યંગ ફાસ્ટ બોલર જાય રિચર્ડસનને 14 કરોડની કિંમતમાં પંજાબ કિંગ્સે ખરીદ્યો, જેથી બીજુ સેશન બોલર્સનાં નામે રહ્યું.

હરભજન સિંહને કોઈએ ના ખરીદ્યો 

બીજા સેશનનાં અંત સુધીમાં ઘણાં એવા પ્લેયર્સ હતા જેમને ખરીદવામાં કોઈ ટીમોએ રસ નહોતો દાખવ્યો જેમાં શેલ્ડન કોટ્રલ, આદિલ રશિદ, રાહુલ શર્મા, મુજીબ ઉર રહેમાન, હરભજન સિંહ, ઈશ સોઢી, કેસ અહમદ જેવા પ્લેયર્સ અનસોલ્ડ રહ્યાં.

હરાજીનાં બીજા સેશનમાં આ પ્લેયર્સ રહ્યાં અનસોલ્ડ

ગ્લેન ફીલીપ્સ અનસોલ્ડ, એલેક્સ કેરી 1.50 કરોડ બેઝ પ્રાઈઝ અનસોલ્ડ, ઈંગ્લેન્ડ સેમ બિલિંગ્સ 2 કરોડ બેઝ પ્રાઇઝ અનસોલ્ડ, શ્રીલંકાનો કુશલ પરેરા 50 લાખ બેઝ પ્રાઇઝ અનસોલ્ડ રહ્યાં.

કેદાર જાધવને ઝટકો

ચેન્નાઈ સુપર કિંગ્સે આ વર્ષે ટીમમાંથી રિલીઝ કર્યાં બાદ કોઈ ટીમે કેદાર જાધવને ખરીદવામાં રસ ના બતાવ્યો.

અનસોલ્ડ રહ્યાં

ઓસ્ટ્રેલિયાનાં એરોન ફિંચ અને ભારતીય ટીમનો હનુમા વિહારી રહ્યો અનસોલ્ડ, કોઈ પણ ટીમે આ બંને પ્લેયરમાં રસ ના દાખવ્યો.

સ્ટિવ સ્મિથ

દિલ્હી કેપિટલ્સે સ્ટીવ સ્મિથને 2.20 કરોડ રુપિયામાં ખરીદી લીધો. ગત વર્ષે સ્મિથ રાજસ્થાનની ટીમમાં હતો આ વર્ષે તેને રાજસ્થાને રિલીઝ કરી દીધો હતો. આઈપીએલ 2021 માટે ખેલાડીઓની હરાજી શરુ થઈ ચૂકી છે, શરુઆતની બોલીમાં કરુણ નાયર અને એલેક્સ હેલ્સ રહ્યા અનસોલ્ડ. કરુણ નાયરની બેઝ પ્રાઇઝ હતી 50 લાખ.

યુવરાજ સિંહનો રેકોર્ડ 6 વર્ષથી અકબંધ

આઈપીએલ 2021 માટેની હરાજી આજે બપોરે 3 કલાકે શરુ થવા જઈ રહી છે ત્યારે. એક નજર આઈપીએલનાં સૌથી મોંઘા પ્લેયર્સ પર નાંખીએ. આઈપીએલનાં ઈતિહાસમાં સૌથી મોંઘા પ્લેયરની યાદીમાં યુવરાજ સિંહ સૌથી ઉપર છે. યુવરાજ સિંહનો રેકોર્ડ હજુ સુધી તૂટી નથી શક્યો. 6 વર્ષ પહેલા યુવરાજને દિલ્હી ડેરડેવિલ્સે 16 કરોડ રુપિયામાં યુવરાજ સિંહને ખરીદ્યો હતો. જે રેકોર્ડ રકમ ત્યારબાદ કોઈ પ્લેયરને મળી નથી.