Chocolate Day / OMG! આ છે દુનિયાની સૌથી મોંઘી ચોકલેટ, બોક્સની સાથે આવે છે 'હિરાના દાગીના', કિંમત જાણી ઉડી જશે હોંશ

• આ છે દુનિયાની સૌથી મોંઘી ચોકલેટ 
• એક બોક્સની કિંમત 12 કરોડથી વધારે 
• બોક્સની સાથે આવે છે હિરાના દાગીના 

આજે 9 ફેબ્રુઆરી છે એટલે કે વેલેન્ટાઈન વીકના હિસાબથી આજે ચોકલેટ ડે છે. આજે પ્રેમી જોડા એક બીજાને ચોકલેટ આપે છે. આજના દિવસે પ્રેમી જોડી પોતાના હિસાબથી સારી સારી ચોકલેટ પોતાના સાથી માટે લઈ જાય છે. પરંતુ આજે અમે તમને દુનિયાની સૌથી મોંઘી ચોકલેટ્સ વિશે જણાવવા જઈ રહ્યા છીએ. 

તેમાંથી એકની કિંમતતો એટલી છે કે આટલા રૂપિયામાં તો તમે દેશની રાજધાનીમાં એક શાનદાર ઘર ખરીદી લો. આવો જાણીએ સૌથી મોંઘી ચોકલેટ્સ વિશે...

લે ચોકલેટ બોક્સનો ડબ્બો 
લે ચોકલેટ બોક્સને દુનિયાની સૌથી મોંઘી ચોકલેટ બોક્સ માનવામાં આવે છે. આ ચોકલેટનો સ્વાદ તો શાનદાર હોય છે. તેની સાથે જ આ બોક્સની સજાવટ પણ સારી હોય છે. તેના ઉપરાંત તેના માંઘા હોવાના પાછળનું કારણ આ બોક્સની સાથે આવનાર જ્વેલરી હોય છે. 

ચોકલેટની સાથે આવે છે હિરાના દાગીના 
હકીકતે આ ચોકલેટ બોક્સની સાથે એક ડાયમંડનો હાર, બંગડી અને વિંટી આવે છે. આ બઝી જ્વેલરી પન્ના અને નીલમથી બનેલી હોય છે. સૌથી શાનદાર વાત એ છે કે આટલી વધારે મોંઘી હોવા છતાં આ ચોકલેટના બોક્સને ખરીદી નથી શકાતી. આ ચોકલેટ બોક્સની કિંમત 1.5 મિલિયન ડોલર એટલે કે આજના હિસાબથી લગભગ 12 કરોડ 33 લાખ રૂપિયા છે. 

ફ્રોઝન હાઉતે ચોકલેટ 
દુનિયાની સૌથી મોંઘી ચોકલેટ્સમાંથી એક ફ્રોઝન હાઉતે ચોકલેટ પણ છે. સૌથી ખાસ વાત એ છે કે આ ચોકલેટને દુનિયાની સૌથી મોંઘી મિઠાઈ હોવાનો ગિનીઝ રેકોર્ડ પણ બનાવ્યો છે. 28 કોકો મિશ્રણથી તૈયાર આ ચોકલેટ 23 કેરેટ ખાઈ શકાય તેવા ગોલ્ડથી બની છે. 

ચોકલેટની કિંમત પણ ચોંકાવનારી 
ચોંકાવનારી વાત એ છે કે આ સફેદ હિરાની સાથે સોનાના બાઉલમાં સર્વ કરવામાં આવે છે. આ શાનદાર ચોકલેટની કિંમત 25000 ડોલર છે. એટલે કે જો તમે તેને ભારતીય રૂપિયામાં કન્વર્ટ કરો તો લગભગ 20 લાખ 55 હજાર રૂપિયાની આસપાસ છે. 

ગોલ્ડન સ્પેક્લડ ચોકલેટ એગ 
ગિનીઝ વર્લ્ડ રેકોર્ડમાં આ ચોકલેટને મોસ્ટ એક્સપેન્સિવ નોન જ્વેલડ ચોકલેટ એગ કહેવાય છે. આ દુનિયાની ત્રીજી સૌથી મોંઘી ચોકલેટ છે. તેને ગોલ્ડન સ્પેક્લ્ડ ચોકલેટ એગ કહેવાય છે. આ શાનદાર ચેકલેટનું વજન 100 પાઉન્ડ એટલે કે 45 કિલોથી વધારે છે અને આ ત્રણ ફૂટ લાંબી અને બે ઈંચ પહોંળી હોય છે. 

આ અનોખી ચોકલેટની કિંમત 11,107 ડોલર છે એટલે કે જો તમે તેને ભારતીય રૂપિયામાં કન્વર્ટ કરો તો લગભગ 9 લાખ 13 હજાર રૂપિયાની આસપાસ હશે.