ચીન / સમુદ્રની નીચે પાણીમાં જ 55 સૈનિકોએ જીવ ગુમાવ્યા: ચીનની સબમરીન પોતાની જ જાળમાં ફસાઈ, સદમામાં ડ્રેગન

• ચીનના પીળા સાગરમાં વિદેશી જહાજો માટે જાળ બિછાવવામાં આવી 
• ચીનની સબમરીન પોતાની જ જાળમાં ફસાઈ
• 55 ચીની સૈનિકોએ આ ષડયંત્રમાં ગુમાવ્યા જીવ

હતી. ચીનની પરમાણુ પનડુબ્બી પોતાની જ જાળમાં ફસાઈ ગઈ છે.આ દુર્ઘટનામાં ચીનના 55 નૌસેનિકો માર્યા ગયા હોવાની આશંકા છે. આ ઘટનાથી ચીન સદમામાં આવી ગયું છે. થોડા દિવસ પહેલા આ પ્રકારની એક દુર્ઘટના સર્જાઈ હતી, ચીન તરફથી આ બાબતે કોઈ નિવેદન જાહેર કરવામાં આવ્યું નથી. 

પરમાણુ પનડુબ્બીમાં શું થયું હતું?
મીડિયા રિપોર્ટ અનુસાર પનડુબ્બીની ઓક્સિજન સિસ્ટમની વિનાશકારી વિફળતાને કારણે નૌસેનિકનું મૃત્યુ થયું છે. કહેવામાં આવી રહ્યું છે કે, મૃતકોમાં ચીની પીએલએ નૌસેનાની પનડુબ્બી '093-417'નો કેપ્ટન અને 21 અઘિકારી શામેલ છે. ચીને આ ઘટનાની ના પાડી દીધી છે. માનવામાં આવી રહ્યું છે કે, ચીને ક્ષતિગ્રસ્ત પનડુબ્બી માટે આંતરરાષ્ટ્રીય મદદનો અનુરોધ માનવાની ના પાડી દીધી છે. 

પીળા સાગરમાં દુર્ઘટના
રિપોર્ટ અનુસાર 21 ઓગસ્ટના રોજ પીળા સાગરમાં આ મિશનને અંજામ આપતા સમયે પનડુબ્બી એક દુર્ઘટનાનો શિકાર થઈ હતી. આ દુર્ઘટના 08:12 વાગ્યે થઈ હતી અને તેમાં 55 નૌસૈનિકોના મોત થયા છે. જેમાં 22 અદિકારી, 7 કેડેટ અધિકારી, 9 જૂનિયર અધિકારી અને 17 નાવિક શામેલ છે. મૃતકોમાં કેપ્ટન કર્નલ જૂ યોંગ-પેંગ પણ શામેલ છે. ચીનની ટાઈપ 093 પનડુબ્બીઓ છેલ્લા 15 વર્ષથી નૌસેનાનો હિસ્સો છે. જે 351 ફૂટ લાંબી છે અને ટોરપીડોથી સજ્જ છે. ચીનની ટાઈપ 093 પનડુબ્બી અત્યાધુનિક પનડુબ્બી છે, જેમાં કોઈ પ્રકારનો અવાજ થતો નથી. 

અમેરિકન જહાજ માટે જાળ બિછાવી
રિપોર્ટમાં જણાવવામાં આવ્યું છે કે, ‘આશંકા છે કે, પનડુબ્બી સિસ્ટમની વિફળતા હાઈપોક્સિયાને કારણે આ દુર્ઘટના સર્જાઈ હતી. ચીનની પનડુબ્બી અમેરિકાને ફસાવવા માટે ઉપયોગમાં લેવામાં આવેલ ચેન સાથે ટકરાઈ હતી. આ કારણોસર સિસ્ટમ ફેઈલ થઈ ગઈ. રિપેરિંગ દરમિયાન જહાજની ઓક્સિજન સિસ્ટમે કામ કરવાનું બંધ કરી દીધું હતું, જેથી શ્વાસ રુંધાવાને કારણે સૈનિકોનું મૃત્યુ થયું હતું. ચીને આ બાબતે કોઈ પુષ્ટી કરી નથી.’