કાર્યવાહી / જો બાઈડેન રાષ્ટ્રપતિ બનતા ચીન એક્શનમાં, આ 28 અમેરિકન પર લગાવ્યો પ્રતિબંધ

• જો બાઈડેન અમેરિકાના રાષ્ટ્રપતિ બનતા ચીન એક્શનમાં
• ડોનાલ્ડ ટ્રમ્પની ટીમ સામે મોટી કાર્યવાહી
• ટ્રમ્પની ટીમના 28 અધિકારી વિરુદ્ધ  પ્રતિબંધ જાહેર કર્યો

ચીને આ 28 અધિકારીઓ અને તેમના પરિવારના સભ્યો પર ચીનના મેનલેંડ, હોંગકોંગ અને ચીનના મકાઓમાં પ્રવેશવા  પર પ્રતિબંધ લગાવી દીધો છે. એટલું જ નહીં આ તમામ લોકો સાથે જોડાયેલા બિઝનેસ અને ઈન્સ્ટીટ્યૂટને પણ હવે ચીનમાં બિઝનેસ કરવાની મંજૂરી નહીં મળે.
 

આ લોકો પર ચીને લગાવ્યો પ્રતિબંધ

ચીન દ્વારા જે લોકો પર પ્રતિબંધ લગાવવાનો નિર્ણય લેવામાં આવ્યો છે તેમાં માઈક પોમ્પિયો, ટ્રમ્પ તંત્રના પીટર કે નાવેરો, રોબર્સ સી ઓબ્રાયન, ડેવિડ આર સ્ટિલવેલ, મેથ્યૂ પોટિંગર, એલેક્સ એમ અઝર-2, કીથ જે ક્રેચ અને કેલી ડી કે ક્રાફ્ટ સામેલ છે.. આ ઉપરાંત આ લિસ્ટમાં જોન આર બોલ્ટન અને સ્ટીફન કે બૈનનનો પણ સમાવેશ થાય છે.

ચીનના વિદેશમંત્રાલય તરફથી નિવેદન

ચીનના વિદેશ મંત્રાલય તરફથી એક નિવેદનમાં અમેરિકાના કેટલાંક એન્ટી-ચાઇના રાજકારણીઓ છે, જેમણે છેલ્લા કેટલાંક વર્ષોથી ચીન સામે પગલા લીધા છે. તેઓ ચીનના હિતનો ખ્યાલ રાખતા નથી અને તેમના પગલાથી ચીનમાં આંતરિક મામલાઓમાં વિક્ષેપ પડે છે, જેના કારણે ચીનના હિતોને નુકસાન પહોંચે છે. તેના કારણે ચીનના લોકોને પણ દુઃખ પહોંચે છે અને અમેરિકા-ચીનના સંબંધોમાં કડવાશ ઉભી થાય છે. 
 

#Breaking: China has decided to sanction 28 US individuals who have seriously violated China's sovereignty and who have been mainly responsible for such US moves on China-related issues including former US secretary of state Mike Pompeo. pic.twitter.com/wYNshqbZFn

— CGTN (@CGTNOfficial) January 20, 2021

કયા અધિકારીઓ પર પ્રતિબંધ?  

માઈક પોમ્પિયો, ટ્રમ્પ તંત્રના પીટર કે નાવેરો
રોબર્સ સી ઓબ્રાયન, ડેવિડ આર સ્ટિલવેલ
મેથ્યૂ પોટિંગર, એલેક્સ એમ અઝર-2 
કીથ જે ક્રેચ અને કેલી ડી કે ક્રાફ્ટ 
જોન આર બોલ્ટન અને સ્ટીફન કે બૈનન