બેદરકારી / વાહ રે તંત્ર! RCC રોડના કામોનો ભ્રષ્ટાચારને છૂપાવવા ડામર પાથર્યો, છોટાઉદેપુર આંધણી ખેરમાળ ગામનો આ વીડિયો છે સબૂત

• છોટાઉદેપુર જિલ્લામાં રોડના કામોમાં ભ્રષ્ટાચારનો પર્દાફાશ 
• RCC રોડ તૂટતા ગામ લોકોએ ફરી રોડ બનાવવા કરી હતી માંગ
• વડોદરાની એક્તા એસોસિએટ એજન્સી પાસે છે રોડનો કોન્ટ્રાક્ટ

 સોશિયલ મીડિયામાં અવાર નવાર સરકારી અધિકારીઓ તેમજ કોન્ટ્રાક્ટરોની મિલીભગતનાં કિસ્સાઓ પ્રકાશમાં આવતા રહે છે. છોટાઉદેપુર જીલ્લામાં રોડનાં કામોમાં ભ્રષ્ટાચારનો પર્દાફાશ થયો છે. જેમાં આંધણી ખેરમાળ ગામનાં ગેરેન્ટી પિરિયડવાળા રોડમાં ભ્રષ્ટાચાર થયો હોવાનો વીડિયો ગ્રામજનો દ્વારા વાયરલ કર્યો હતો.

RCC રોડનું રિપેરિંગ ડામર પાથરીને કરાયું
RCC રોડ તૂટતા ગ્રામજનો દ્વારા ફરી રોડ બનાવવા માંગ કરી હતી. ત્યારે કોન્ટ્રાક્ટર દ્વારા માત્ર RCC રોડ પર ડામર પાથરીને રિપેરીંગ કરી દેવામાં આવ્યું હતું. કોન્ટ્રાક્ટર દ્વારા RCC રોડનાં કામોનો ભ્રષ્ટાચાર છુપાવવા ડામર પાથર્યો હતો. ગ્રામજનોએ રોડનાં કામોમાં થતી બેદરકારીનો વીડિયો વાયરલ કર્યો હતો.  છોટાઉદેપુરમાં રોડનાં રિપેરિંગ કામોમાં કોન્ટ્રાક્ટર દ્વારા બેદરકારી દાખવી છે. 

એજન્સી સામે કાર્યવાહી કરવાની ગ્રામજનોની માંગ
વડોદરાની એકતા એસોસિએટ એજન્સીને રોડનો કોન્ટ્રાક્ટ આપવામાં આવ્યો છે.  એકતા એજન્સી દ્વારા રોડનાં કામોમાં કરેલા ભ્રષ્ટ્રાચારનો ગ્રામજનો દ્વારા એકતા એજન્સી દ્વારા આરસીસી રોડનાં કામોમાં બેદરકારીનો વીડિયો વાયરલ કર્યો હતો. ત્યારે હવે આ મામલે વહીવટી તંત્ર દ્વારા એજન્સી સામે કાર્યવાહી કરવામાં આવશે કે નહી તે જોવાનું રહ્યું.