અયોધ્યા મંદિર / 'મડદાં ચીરીને દેખાડીશ', 700 પોસ્ટમોર્ટમ કરનાર સંતોષીને રામ મંદિર આમંત્રણ, પિતાનો દારુ છોડાવવા શબની ચીરફાડ

• છત્તીસગઢની સંતોષી દુર્ગા નામની મહિલાને મળ્યું રામ મંદિર પ્રાણ પ્રતિષ્ઠાનું આમંત્રણ 
• સંતોષી દુર્ગાએ હોસ્પિટલમાં કર્યાં છે 700થી વધુ પોસ્ટમોર્ટમ 
• આટલા મોટા કામની કદર તરીકે અપાયું પ્રાણ પ્રતિષ્ઠાનું આમંત્રણ 

અયોધ્યામાં 22 જાન્યુઆરીએ ભગવાન રામના નવા મંદિરનું ઉદ્ધાટન થઈ રહ્યું છે અને મંદિર ટ્રસ્ટ દ્વારા જાણીતા અથવા નોંધપાત્ર કામ કરનાર લોકોને પ્રાણ પ્રતિષ્ઠાના આમંત્રણ અપાઈ રહ્યાં છે. આવું જ એક મહત્વનું કામ કરનાર મહિલાની પણ કદર કરાઈ છે. છત્તીસગઢની સંતોષી દુર્ગા નામની સામાન્ય મહિલાને  રામ મંદિર પ્રાણ પ્રતિષ્ઠાનું આમંત્રણ મળ્યું છે. 

Chhattisgarh Woman Santoshi Durga Who Conducted Over 700 Autopsies Gets Ram Mandir Invitehttps://t.co/CEnhLUGTxS

— Mr Zubair (@MrZubai08999659) January 14, 2024

સામાન્ય મહિલા તો આમંત્રણ કેમ
હકીકતમાં  છત્તીસગઢના કાંકેરની રહેવાશી સંતોષી દુર્ગા નામની મહિલા નરહરપુરના સામુદાયિક આરોગ્ય કેન્દ્રમાં 20 વર્ષમાં 700 થી વધુ પોસ્ટમોર્ટમ કરી ચૂકી છે અને આ કામની કદર તરીકે તેને પ્રાણ પ્રતિષ્ઠામાં બોલાવાઈ છે. 

Meet Santoshi Durga, a 35-year-old autopsy assistant from Narharpur, who has received a special invitation by the Ram Mandir Trust to attend the Pran Pratistha of Ram Lalla in Ayodhya on January 22.https://t.co/TuccquTxjP#RamMandirPranPratishta #JaiShriRam

— The Indian Bugle (@TheIndianBugle) January 14, 2024

આમંત્રણ મળતાં શું બોલ્યાં સંતોષી દુર્ગા 
આમંત્રણ મળતાં સંતોષી ભાવુક થઈ ગઈ, તેમની આંખો ખુશીથી ભરાઈ ગઈ. તેમણે આ માટે વડા પ્રધાન નરેન્દ્ર મોદી અને ઉત્તર પ્રદેશના મુખ્ય પ્રધાન યોગી આદિત્યનાથનો આભાર માન્યો અને કહ્યું કે શબઘરમાં નાનું કામ કરનાર વ્યક્તિના કામને આટલું મોટું સન્માન મળ્યું તે ખરેખર ગૌરવની વાત છે. અયોધ્યાથી આમંત્રણ મળવા પર સંતોષીએ કહ્યું કે તેણે સપનામાં પણ વિચાર્યું ન હતું કે રામ લલ્લાની જન્મભૂમિ અયોધ્યાથી આમંત્રણ આવશે. ભગવાન શ્રી રામની કૃપાથી, મને આમંત્રણ પત્ર મળ્યું છે. મુલાકાત બાદ હું વિસ્તારના લોકોની સમૃદ્ધિ અને પ્રગતિ માટે પ્રાર્થના કરીશ.

700 થી વધુ પોસ્ટમોર્ટમ કરી ચૂકી છે
સંતોષી દુર્ગા કાંકેરના નરહુરની કમ્યુનિટી હેલ્થ સેન્ટરમાં સેનિટેશન વર્કર તરીકે કામ કરી રહ્યાં છે અને તેમણે 20 વર્ષમાં 700થી વધુ પોસ્ટમોર્ટમ કરેલા છે. પિતાને દારુની લતથી છોડાવવા માટે તેમણે આ કામ પસંદ કર્યું હતું. 

કેમ શરુ કર્યું મડદાં ચીરવાનું કામ 
પોસ્ટમોર્ટમનું કામ હાથ ધરવાની કહાની જણાવતા સંતોષીએ કહ્યું કે તેના પિતા પણ આ જ આરોગ્ય કેન્દ્ર, નરહરપુરમાં કામ કરતા હતા. પોસ્ટમોર્ટમ કરતી વખતે, તેઓ મૃત શરીરની દુર્ગંધ અને ભયાનકતાથી બચવા માટે દારૂનું સેવન કરતા હતા. સંતોષીએ કહ્યું કે હું જ્યારેપ પિતાને દારુ છોડી દેવાનું કહેતી ત્યારે તેઓ કહેતા કે મડદાં ચીરવાનું કામ તો હોશમાં ન કરી શકે તેને માટે નશો જરુરી છે. તેને દુર્ગંધ અને સડો વેઠવો દરેકના હાથની વાત નથી. પિતાની વાત સાંભળીને સંતોષીએ મનમા ગાંઠ વાળી લીધી કે તે પણ નશો કર્યાં વગર મડદાંની ચીરફાડ કરીને જ રહેશે અને તેણે તે કરી પણ દેખાડ્યું. તે છેલ્લા 20 વર્ષથી કોઈ પણ જાતનો નશો કર્યાં વગર સંપૂર્ણ ભાનમાં મડદાંની ચીરફાડ કરે છે.