સફ્ળતાની કહાની / પાકની દેખભાળ માટે 7 કરોડનું હેલિકોપ્ટર વસાવી રહ્યો છે ખેડૂત, વર્ષના ટર્ન ઓવરનો આંકડો ઉદ્યોગપતિને પણ પાણી ભરાવે એવો

• દેશના શ્રેષ્ઠ ખેડૂતનો એવોર્ડ જીતી ચૂક્યા છે રાજારામ ત્રિપાઠી
• 1000 એકર જમીનની સારસંભાળ માટે કર્યો હેલિકોપ્ટરનો સોદો
• હોલેન્ડની રોબિન્સ કંપની સાથે ડીલ કરી

છત્તીસગઢના નકસલ પ્રભાવિત કોન્ડાગાવ જિલ્લામાંના ખેડૂતો રાજારામ ત્રિપાઠી દેશના શ્રેષ્ઠ ખેડૂતનો એવોર્ડ જીતી ચૂક્યા છે. તે પોતાની 1000 એકર જમીનની સારસંભાળ માટે હેલિકોપ્ટર ખરીદવા જઈ રહ્યા છે. રાજા રામ ત્રિપાઠી રાજ્યના પ્રથમ ખેડૂત છે. જે હેલિકોપ્ટર ખરીદી રહ્યા છે. સાત કરોડના ખર્ચે હેલિકોપ્ટર માટે તેઓએ હોલેન્ડની રોબિન્સ કંપની સાથે ડીલ કરી લીધા બાદ એક વર્ષની અંદર તેમની પાસે ચાર સીટર હેલિકોપ્ટર આવી જશે. ત્યારે આવું જાણીએ તેઓનો સંઘર્ષ અને સફળતા!

વર્ષે 25 કરોડ રૂપિયા જેટલું ટર્નઓવર
રાજારામ ત્રિપાઠી સફેદ મુસલી, કાળા મરી અને જડીબુટ્ટીઓની ખેતી કરે છે સાથે માં દંતેશ્વરી હર્બલ ગ્રુપ પણ ચલાવે છે. તાજેતરમાં તેઓએ 400 જેટલા આદિવાસી પરિવારો સાથે 1000 માં સામુહિક ખેતી કરવા બદલ તેઓનું સન્માન કરવામાં આવ્યું છે અને ઓર્ગેનિક ખેતી માટે તેઓને અનેક વખત બહુમાન કરવામાં આવ્યું છે. બેંકની નોકરી છોડી રાજારામ ત્રિપાઠીએ ખેતી ક્ષેત્રે ઝંપલાવ્યુ ત્યારબાદ હાલ તેનો પૂરો પરિવાર ખેતી ઉપર નિર્ભર છે. તેઓએ જણાવ્યું કે તેમના ભાઈઓ અને બાળકો પણ હવે નોકરી કરવાને બદલે ખેતીમાં ઝંપલાવી સારી એવી કમાણી કરી રહ્યા છે. તેમનું દંતેશ્વરી હર્બલ ગ્રુપ એક વર્ષે 25 કરોડ રૂપિયા જેટલું ટર્નઓવર કરે છે અને આજુબાજુના આદિવાસી ખેડૂતો પણ હવે અધ્યતન ખેતીની શ્રેણીમાં આગળ વધી રહ્યા છે.

હેલિકોપ્ટર દ્વારા ખેતરમાં છંટકાવ કરવામાં આવશે

બસ્તર પંથકમાં જોવા મળતી જડીબુટ્ટીઓની ખેતી કરીને તેઓ સમગ્ર રાજ્યમાં માત્ર એક છે જે સફેદ મુસલિની મોટાપાટે ખેતી કરી રહ્યા છે. ખાસ વાત એ છે કે રાજારામનું ગ્રુપ યુરોપ અને અમેરિકાના દેશોમાં કાળા મરીની નિકાસ કરે છે. હવે તેઓ પોતાની જમીનની સંભાળ રાખવા માટે હેલિકોપ્ટર ખરીદી રહ્યા છે. હેલિકોપ્ટર લેવા અંગેના વિચાર મામલે રાજારામે ફોડ પાડતા જણાવ્યું કે ઇંગ્લેન્ડ અને જર્મનીમાં પ્રવાસ દરમિયાન જાણવા મળ્યું કે તેઓ ખાતર અને દવા છંટકાવ માટે હેલિકોપ્ટરનો ઉપયોગ કરી રહ્યા છે. જેને લઈને વધુ સારા પરિણામો મળી રહ્યા છે. આથી ખેડૂતો જૂથને સંગઠીત કરવાનું શરૂ કર્યું અને 1000 એક્ટર જમીન સાથે તેણે હેલિકોપ્ટર દ્વારા આસપાસની ખેતીવાડી વિસ્તારમાં ખેતરોની સંભાળ લેવાનું નક્કી કર્યો બાદમાં હેલિકોપ્ટરનો સોદો કર્યો છે. જેને લઈને હવે જંતુનાશક દવાઓ સહિતની વસ્તુઓ હેલિકોપ્ટર દ્વારા ખેતરમાં છંટકાવ કરવામાં આવશે.