છેતરપિંડી / બિન સચિવાલયમાં નોકરી અપાવવાની લાલચમાં યુવક ઠગાયો, આરોપીએ પડાવી લીધા લાખો રૂપિયા, કિંમત જાણી ચોંકી જશો

• બિન સચિવાલયની નોકરીની લાલચમાં યુવક સાથે રૂ.7, 48,000ની છેતરપિંડી
• આરોપીએ નોકરી અપાવવા યુવક પાસેથી પડાવ્યા 7 લાખ 48 હજાર રૂપિયા
• સરકારમાં લાગવગ કરી નોકરી અપાવવા માટે પડાવ્યા રૂપિયા
• ફરિયાદીના મિત્રએ જ ફરિયાદીની આરોપી સાથે કરાવી હતી ઓળખાણ
• પોલીસે આરોપી પિતા-પુત્ર વિરુધ્ધ ફરિયાદ દાખલ કરીને તપાસ હાથ ધરી

આપણે ત્યાં કહેવત છે કે, લોભિયા હોય ત્યાં ધુતાર ભૂખ્યા ના મરે.... આવી જ એક ઘટના રાજ્યના પાટનગર ગાંધીનગરથી સામે આવી છે. આ ઘટનાની પ્રાથમિક વિગતો મુજબ એક યુવકે બિન સચિવાલયમાં નોકરી મેળવવાની લાલચમાં 7 લાખ રૂપિયા ગુમાવ્યા છે. જોકે આ ઘટનામાં એ પણ સામે આવ્યું છે કે, ફરિયાદી યુવકના મિત્રએ જ તેની ઓળખાણ આરોપી સાથે કરાવી હતી. જોકે હાલ તો યુવકે આ મામલે ગાંધીનગર સેક્ટર 7માં પોલીસ ફરિયાદ નોંધાવતા પોલીસે વધુ તપાસ હાથ ધરી છે. 

સરકારી નોકરીની લાલચમાં 7 લાખ ગુમાવ્યા 
ગાંધીનગરને એક યુવકને સરકારી નોકરીની લાલચ ખૂબ મોંઘી પડી છે. વાત જાણે એમ છે કે, એક યુવકને તેના મિત્રએ એક અન્ય યુવક સાથે ઓળખાણ કરાવી હતી. જે બાદમાં આરોપી પિતા-પુત્રએ સરકારમાં લાગવગ કરી બિન સચિવાલયમાં નોકરી  અપાવવા માટે યુવકને લાલચ આપી હતી. જેથી યુવકે સરકારી નોકરીની લાલચમાં આરોપીઓને  7 લાખ 48 હજાર રૂપિયા આપ્યા હતા.  

આરોપી પિતા-પુત્રએ પડાવ્યા રૂ.7, 48,000 
ગાંધીનગરના યુવકને બિન સચિવાલયમાં નોકરી મેળવવાની લાલચ આપી આરોપી પિતા-પુત્રએ છેતરપિંડી આચરી છે. તેઓએ યુવકે સરકારમાં લાગવગ કરી નોકરી અપાવવાની લાલચ આપી રૂ.7, 48,000 પડાવ્યા હતા. જોકે બાદમાં યુવકને છેતરાયા હોવાનું ખબર પડતાં પોલીસ ફરિયાદ નોંધાવી છે. 

ફરિયાદ બાદ પોલીસ તપાસ શરૂ
ગાંધીનગરના યુવક સાથે થયેલ રૂ.7, 48,000 છેતરપિંડી કેસમાં ફરિયાદી યુવકે સેક્ટર 7 પોલીસ સ્ટેશનમાં આરોપી અનિલ વણઝારા અને નાથુસિંહ વણઝારા (પિતા-પુત્ર) સામે ફરિયાદ નોંધાવી છે. જેને લઈ હવે ગાંધીનગર સેક્ટર 7 પોલીસ સ્ટેશને ફરિયાદ દાખલ કરીને આગળની કાર્યવાહી હાથ ધરી છે.