નિવેદન / દેશને સૌથી મોટો ખતરો ક્યાંથી છે? ચીન વિવાદની વચ્ચે મોટું નિવેદન આપ્યું CDS અનિલ ચૌહાણે

• ચીનની સાથેનાં વિવાદો પર બોલ્યા CDS જનરલ
• દેશનો સૌથી મોટો ખતરો ચીનની સીમા પર જ- અનિલ ચૌહાણ
• સીમા પર્યટનને વધારો આપવા મુદે કરી વાત

ભારત ચીનની સાથે ચાલી રહેલા વિવાદો પર CDS જનરલ અનિલ ચૌહાણે નિવેદન આપ્યું છે. તેમણે કહ્યું કે દેશને સૌથી મોટો ભય ચીનની સીમા પર જ છે. વધુમાં તેમણે કહ્યું કે લિપુલેખ, બડાહોતી અને અરૂણાચલ પ્રદેશમાં ચીનની સાથે વિવાદો છે. CDS જનરલે બોર્ડર ટૂરિઝમનું કલ્ચર વધારવા પર ભાર મૂક્યો હતો. તેમણે કહ્યું કે સરહદોને જોવાની દરેકની ઇચ્છા હોય છે તેથી બોર્ડર ટૂરિઝમનું કલ્ચર વધારવું જોઇએ.

ઉત્તરાખંડનાં સીમાડાનાં ગામોનો ઉલ્લેખ
ઉત્તરાખંડનાં સીમાડાનાં ગામોમાં થઇ રહેલા પલાયન પર CDS જનરલ અનિલ ચૌહાણે કહ્યું કે પ્રદેશનાં કેટલાક ગામડાઓ નિર્જન થઇ ગયાં છે. આપણને શક્યતાઓ શોધવી પડશે કે શું ખરેખર ગામડાઓ ફરી જીવંત થઇ શકશે? સીમાડાનાં ગામોનો પણ દેશનાં રક્ષણમાં મહત્વનું યોગદાન રહે છે. તેથી જરૂરી છે કે અહીં ફરી આબાદીને વસાવવામાં આવે. 

In Uttarakhand, there are vast unoccupied areas which are even far away from the last villages of the state towards the border. We have to see if we can repopulate these areas & if that is problematic, we have to see if we can popularise border tourism there: CDS Gen Anil Chauhan pic.twitter.com/fX9CPvyBAO

— ANI (@ANI) December 17, 2022

સીમા પર્યટનને વધારો આપવો જોઇએ- અનિલ ચૌહાણ
તેમણે સીમાનાં ક્ષેત્રોમાં પ્રવાસને વધારો આપવા પર વાત કરતાં કહ્યું કે આપણને એ જોવું પડશે કે શું આપણે સીમા પ્રવાસને લોકપ્રિય બનાવી શકીએ છીએ. તેના માટે જરૂરી પગલાંઓ પણ ભરવા જોઇએ. બોર્ડર ટૂરિઝમ કલ્ચરને વધારવું જોઇેએ.

ડોકલામ ક્ષેત્રને લઇને લેફ્ટેનન્ટ જનરલ કલિતાનું નિવેદન
પૂર્વી સૈન્ય કમાનનાં જનરલ ઓફિસર કમાંડિંગ-ઇન-ચીફ પ્રમુખ લેફ્ટેનન્ટ જનરલ કલિતાએ કહ્યું કે જ્યાં સુધી ડોકલામની વાત છે તો અત્યાર સુધી ઈન્ફ્રાસ્ટ્રક્ચર ડેવલપમેન્ટને લઈને કોઈ નવો ઘટનાક્રમ જોવા મળ્યો નથી.  તેમણે કહ્યું કે આ બાદથી અહીં એક પ્રોટોકોલ છે જેનું પાલન ડોકલામ વિસ્તારમાં બંને પક્ષો કરે છે અને તેની અંતર્ગત સ્થાનીય કમાન્ડરોની વચ્ચે નિયમિત વાતચીત થતી રહે છે જેથી બંને તરફ કોઇ નવો નિર્માણ ન કરવામાં આવે.