બિઝનેસ / મંગલ ઈલેક્ટ્રિકલ્સનો IPO ભરાઈ કે નહીં? રોકાણ કરતા પહેલા જાણી લેજો

સ્ટોક માર્કેટમાં છેલ્લા કેટલાક સમયમાં અનેક કંપનીઓ દ્વારા આઈપીઓ લોન્ચ કરવામાં આવ્યા છે. ત્યારે હવે મંગલ ઇલેક્ટ્રિકલ્સ લિમિટેડે પોતાનો રૂ. 400 કરોડનો IPO લોન્ચ કર્યો છે. કંપનીનો IPO 20 ઓગસ્ટથી 22 ઓગસ્ટ સુધી ખુલ્લો રહેશે. પ્રાઇસ બેન્ડ પ્રતિ શેર રૂ. 533 થી 561 નક્કી કરવામાં આવી છે. કંપનીનું માર્કેટ વેલ્યુએશન અંદાજે રૂ. 1,550 કરોડ છે.

મંગલ ઇલેક્ટ્રિકલ્સ ટ્રાન્સફોર્મર કોમ્પોનન્ટ્સના મેન્યુફેક્ચરિંગ અને પ્રોસેસિંગ ક્ષેત્રમાં કાર્યરત છે. મુખ્ય પ્રોડક્ટ્સમાં ટ્રાન્સફોર્મર લેમિનેશન, CRGO સ્લિટ કોઇલ્સ, અમોર્ફસ કોર, ઓઇલ-ઇમર્સ્ડ સર્કિટ બ્રેકર વગેરે સામેલ છે. કંપની 5 kVA થી લઈને 10 MVA સુધીના ટ્રાન્સફોર્મર્સ બનાવે છે તેમજ ઇલેક્ટ્રિકલ સબ-સ્ટેશન માટે EPC સર્વિસીસ પણ પૂરી પાડે છે.

રાજસ્થાનમાં કંપનીના 5 મેન્યુફેક્ચરિંગ પ્લાન્ટ્સ છે. ગ્રાહકોની યાદીમાં સિમેન્સ, ક્રોમ્પટન ગ્રીવ્ઝ, BHEL સહિત અનેક મોટી કંપનીઓ છે, જ્યારે વૈશ્વિક સ્તરે ઓમાન, મલેશિયા અને ઇજિપ્તની કંપનીઓ સાથે પણ ટાઈઅપ છે.

IPOના પોઝિટિવ ફેક્ટર્સ

• ડાયવર્સિફાઇડ કસ્ટમર બેઝ – સરકારી, પ્રાઇવેટ અને ઇન્ડસ્ટ્રીયલ ગ્રાહકો સુધી પહોંચ.
• ક્ષમતા વિસ્તરણ – હવે કંપની 132 kV સુધીના ટ્રાન્સફોર્મર બનાવવાની તૈયારીમાં છે, જે તેને મોટા પ્રોજેક્ટ્સ માટે પસંદગીદાર સપ્લાયર બનાવી શકે છે.
• અનુભવી પ્રમોટર્સ – 35 વર્ષથી વધુનો અનુભવ અને ત્રીજી પેઢીની એક્ટિવ ભાગીદારી.

વેલ્યુએશન અને માર્કેટ કમ્પેરિઝન

• અન્ય કંપનીઓની સરખામણીમાં MELના ઓપરેટિંગ માર्जિન વધુ મજબૂત છે.
• IPOથી મળેલી રકમથી કંપનીનું કર્જ ઘટશે અને બેલેન્સ શીટ મજબૂત થશે.
• જોકે, હાલનું વેલ્યુએશન 33x અર્નિંગ્સ (FY25) પર છે, જે અન્ય કંપનીઓ કરતાં થોડું મોંઘું માનવામાં આવે છે.
• એનલિસ્ટ્સની સલાહ: શોર્ટ-ટર્મ લિસ્ટિંગ ગેઈન માટે IPO સબસ્ક્રાઇબ કરી શકાય, જ્યારે લાંબા ગાળાના રોકાણ માટે થોડો સુધારો (કરેકશન) આવે ત્યારે એન્ટ્રી વધુ સારી માનાશે.

જોખમના પરિબળો

• ટોપ-10 ગ્રાહકો પર નિર્ભરતા – કુલ આવકનો 50% ફક્ત થોડાક ક્લાયન્ટ્સ પરથી આવે છે.
• આયાત પર આધાર – કાચામાલનો મોટો હિસ્સો વિદેશથી, જેમાં ચીનનું પ્રમાણ સૌથી વધારે.
• ઇન્ફ્રાસ્ટ્રક્ચર ખર્ચમાં ઘટાડો – જો સરકાર કે ખાનગી ક્ષેત્રે ખર્ચ ઘટશે તો ડિમાન્ડ પ્રભાવિત થઈ શકે.

આ પણ વાંચો : હવે સોનું ખરીદવું કે વેચવું? સતત 10 દિવસથી ભાવમાં થઇ રહેલા ઘટાડા બાદ દૂર કરો કન્ફ્યુઝન

ટુંકમાં કહીએ તો, મંગલ ઇલેક્ટ્રિકલ્સ IPOમાં શોર્ટ ટર્મ માટે તક દેખાઈ રહી છે, પરંતુ લાંબા ગાળાના રોકાણકારોએ થોડું રાહ જોવું એ સમજદારી રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ