નોંધી લેજો / શેરબજારમાંથી રળી લો! આ ખાસ દિવસે રોકાણથી સમૃદ્ધિ સાથે મોટો લાભ, એક્સપર્ટે ખોલ્યું રહસ્ય

શું શેરબજારમાં એવો કોઈ દિવસ છે કે જે દિવસે રોકાણ કરવાથી નુકશાન નહીં પરંતુ લાભ જ લાભ થાય? સામાન્ય રીતે શેરબજારમાં મિનિટે-મિનિટે વધઘટ થતી રહેતી હોય છે પરંતુ હવે શેરબજારના એક નિષ્ણાંતે એક ખાસ દિવસ ગણાવ્યો છે કે જે દિવસે રોકાણ કરવું ઘણું શુભ છે.

કયા દિવસે રોકાણ કરવાથી ખાસ લાભ

શેરબજાર અને કોમોડિટીઝના નિષ્ણાત અજય કેડિયાએ એક નિશ્ચિત દિવસે શેરબજારમાં રોકાણ કરવાના ફાયદા ગણાવ્યાં છે. કેડિયાના માનવા પ્રમાણે, દિવાળી પર મુહૂર્ત ટ્રેડિંગમાં રોકાણ કરવાથી સમૃદ્ધિ સાથેના લાભો મળી શકે છે. આ દિવસે કરવામાં આવેલા રોકાણો આગામી નાણાકીય વર્ષમાં સમૃદ્ધિ અને નફો લાવી શકે છે. આનાથી રોકાણકારોનો માનસિક આત્મવિશ્વાસ વધે છે. તે ઉપરાંત આ દિવસે બજારમાં ઉત્સાહ અને સકારાત્મક ઊર્જા હોય છે, જે વ્યવસાયને સ્થિર અને ઉત્સાહી બનાવે છે.

વધુ વાંચો : સફેદ પાણીમાં નાખ્યો કાળો કાગળ અને બની ગઈ 500ની નોટ, ચોંકાવનારું સામે આવતાં દેશમાં ચકચાર

શું જોખમ?

લાભની સાથે મુહૂર્ત ટ્રેડિંગનું એક જોખમ પણ છે. ટ્રેડિંગ ફક્ત એક કલાક માટે થાય છે, તેથી બજારમાં અસ્થિરતા વધારે હોઈ શકે છે, અને પ્રવાહિતા મર્યાદિત હોઈ શકે છે, જેના કારણે ટ્રેડિંગ મુશ્કેલ બને છે. આ પ્રથાને કારણે, રોકાણકારો જોયા જાણ્યા વગર રોકાણ કરે છે તેથી નુકશાન પણ થઈ શકે છે. ઐતિહાસિક રીતે, એવું જોવા મળ્યું છે કે મુહૂર્ત ટ્રેડિંગ પછી, બજાર અથવા કેટલાક શેર ઘણીવાર ઘટે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ