રાજસ્થાન / સફેદ પાણીમાં નાખ્યો કાળો કાગળ અને બની ગઈ 500ની નોટ, ચોંકાવનારું સામે આવતાં દેશમાં ચકચાર

રાજસ્થાનના અજમેરમાં એક ચોંકાવનારી ઘટના સામે આવી છે. અજમેરમાં સફેદ પાણીમાં નાખ્યો કાળો કાગળ નાખીને 500ની નકલી નોટો બનાવાનું એક મોટું કૌભાંડ સામે આવ્યું છે. પોલીસે નકલી 500 રૂપિયાની નોટો બનાવવાના આરોપમાં ત્રણ યુવાનોની ધરપકડ કરી છે. યુવાનો પાસેથી 500 રૂપિયાની નોટોના કદના કાગળના ત્રણ બંડલ મળી આવ્યા હતા, જે જપ્ત કરવામાં આવ્યા છે અને ધરપકડ કરાયેલા લોકોની પૂછપરછ કરવામાં આવી રહી છે.

પોલીસને શું મળ્યો હતો રિપોર્ટ

હકીકતમાં અજમેર પોલીસને એક ખાનગી રિપોર્ટ મળ્યો હતો કે જેમાં જણાવાયું હતું કે અજમેરની આસપાસ કેમિકલમાં કાગળો નાખીને 500 રુપિયાની નકલી નોટો બનાવાઈ રહી છે.

વધુ વાંચો : સોનું ખરીદવા માગતા લોકો માટે સારા સમાચાર, એકધારા 5 દિવસના વધારા બાદ ભાવમાં મોટો ઘટાડો

આરોપીઓ કેવી રીતે બનાવતા હતા નકલી નોટો

પોલીસે ખુલ્લા પાડેલા આ કૌભાંડમાં આરોપીઓ સફેદ પાણીમાં કાળો કાગળ નાખીને 500ની નોટો બનાવતા હતા. હકીકતમાં પોલીસે કારના વેચાણની નકલી કહાની ઘડીને આ કૌભાંડ ખુલ્લું પાડ્યું હતું. એક પોલીસ અધિકારીએ કહ્યું કે કાર વેચવાને બહાને હું નકલી ગ્રાહક બનીને ઈન્સાફ નામના એક શખ્સને મળ્યો ત્યારે તેણે મને સમજાવ્યું કે તેઓ નકલી નોટો બનાવી રહ્યાં છે ત્યાર બાદ તેણે કાળા કાગળના બંડલમાંથી કાગળનો કાળો ટુકડો કાઢ્યો અને નજીકના પ્લાસ્ટિકના કન્ટેનરમાં સફેદ પાવડરવાળા પાણીમાં ધોયો. અચાનક તે ટુકડો 500ની નોટ બની ગયો હતો. જ્યારે મેં ત્રણેય છોકરાઓની પૂછપરછ કરી, ત્યારે તેઓએ અન્ય લોકો સાથે આવી જ છેતરપિંડી કરવાની યોજના બનાવી હોવાનું કબૂલ્યું હતું. ત્યાર બાદ એટીએસે 3 આરોપીઓની ધરપકડ કરી હતી. ATS ટીમે ત્રણેય છેતરપિંડી કરનારાઓ પાસેથી 500 રૂપિયાની નોટો બનાવવા માટે વપરાતા કાગળના ત્રણ બંડલ, સફેદ પાવડર ધરાવતું પ્લાસ્ટિક કન્ટેનર, 13 500 રૂપિયાની નોટો અને બાઈક જપ્ત કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ