બિઝનેસ / બજેટ પહેલા મુકેશ અંબાણીને ઝટકો! રિલાયન્સ ઈન્ડસ્ટ્રીઝને પાંચ દિવસમાં 75000 કરોડનું નુકસાન

બજેટને હવે એક અઠવાડિયાની વાર છે એ પહેલા

દેશની સૌથી મોટી કંપની રિલાયન્સ ઇન્ડસ્ટ્રીઝને મોટું નુકસાન થયું છે. શેરબજારમાં કંપનીના શેરમાં ઘટાડાને કારણે કંપનીના માર્કેટ કેપમાં લગભગ 75 હજાર કરોડ રૂપિયાનો ઘટાડો થયો છે. બીજી તરફ, LIC અને SBIના માર્કેટ કેપમાં પણ મોટો ઘટાડો જોવા મળ્યો છે. દેશની બીજી સૌથી મોટી ધિરાણકર્તા ICICI બેંકના માર્કેટ કેપમાં પણ ઘટાડો જોવા મળ્યો છે. જોકે, ગયા અઠવાડિયે, દેશની 10 સૌથી મૂલ્યવાન કંપનીઓમાંથી ચારની સંયુક્ત બજાર મૂડીમાં 1,25,397.45 કરોડ રૂપિયાનો ઘટાડો થયો હતો.

બીજી તરફ, દેશની ટોચની 10 કંપનીઓમાંથી 6 કંપનીઓના માર્કેટ કેપમાં વધારો થયો છે. આ કંપનીઓના સંયુક્ત માર્કેટ કેપમાં રૂ. ૫૮,૫૫૪.૮૮ કરોડનો વધારો જોવા મળ્યો છે. દેશની સૌથી મોટી IT કંપનીઓમાંની એક, ઇન્ફોસિસના માર્કેટ કેપમાં સૌથી મોટો વધારો જોવા મળ્યો છે. TCS, HDFC બેંક, એરટેલ, IT અને HUL ના માર્કેટ કેપમાં વધારો જોવા મળ્યો છે. ગયા અઠવાડિયે, BSE સેન્સેક્સ 428.87 પોઈન્ટ અથવા 0.55 ટકા ઘટ્યો હતો, અને નિફ્ટી 111 પોઈન્ટ અથવા 0.47 ટકા ઘટ્યો હતો.

દેશની આ કંપનીઓના માર્કેટ કેપમાં ઘટાડો

• રિલાયન્સ ઇન્ડસ્ટ્રીઝનું બજાર મૂલ્યાંકન 74,969.35 કરોડ રૂપિયા ઘટીને 16,85,998.34 કરોડ રૂપિયા થયું.
• વીમા કંપની, લાઇફ ઇન્શ્યોરન્સ કોર્પોરેશન ઓફ ઇન્ડિયા (LICI)નું મૂલ્યાંકન 21,251.99 કરોડ રૂપિયા ઘટીને 5,19,472.06 કરોડ રૂપિયા થયું.
• જાહેર ક્ષેત્રની ધિરાણકર્તા સ્ટેટ બેંક ઓફ ઈન્ડિયાનું મૂલ્યાંકન 17,626.13 કરોડ રૂપિયા ઘટીને 6,64,304.09 કરોડ રૂપિયા થયું.

વધુ વાંચો: કરદાતાઓ માટે રાહતના સમાચાર! બજેટમાં ટેક્સના દર ઘટાડવા સરકારનો માસ્ટર પ્લાન

આ કંપનીઓના માર્કેટ કેપમાં વધારો

• IT કંપનીઓમાંની એક ઇન્ફોસિસનું બજાર મૂડીકરણ 24,934.38 કરોડ રૂપિયા વધીને 7,78,612.76 કરોડ રૂપિયા થયું.
• ખાનગી ધિરાણકર્તા HDFC બેંકે રૂ. 9,828.08 કરોડનો ઉમેરો કર્યો, જેનાથી તેનું મૂલ્યાંકન રૂ. 12,61,627.89 કરોડ થયું.
• ટેલિકોમ કંપનીઓમાંની એક ભારતી એરટેલનું બજાર મૂલ્યાંકન 9,398.89 કરોડ રૂપિયા વધીને 9,36,413.86 કરોડ રૂપિયા થયું છે
• IT કંપની ટાટા કન્સલ્ટન્સી સર્વિસીસ (TCS)નું મૂલ્યાંકન 9,262.3 કરોડ રૂપિયા વધીને 15,01,976.67 કરોડ રૂપિયા થયું.
• FMCG કંપનીઓમાંની એક, હિન્દુસ્તાન યુનિલિવરનું માર્કેટ કેપ 3,442.15 કરોડ રૂપિયા વધીને 5,56,594.67 કરોડ રૂપિયા થયું.
• FMCG કંપનીઓમાંની એક, ITCનું મૂલ્યાંકન રૂ. 1,689.08 કરોડ વધીને રૂ. 5,52,392.01 કરોડ થયું.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ