બિઝનેસ / Gold Silver Price : દિવાળી પહેલા મોંઘું થયું સોનું, ચાંદી સસ્તું ! અહીં ક્લિક કરી જાણો ભાવ

Gold Silver Price : જેમ જેમ દિવાળીની ધૂમધામ નજીક આવી રહી છે, તેમ તેમ બજારમાં સોના અને ચાંદીના ભાવમાં નોંધપાત્ર ચઢાવ-ઉતર જોવા મળી રહી છે. શુક્રવારે સોનાના ભાવમાં એકાએક ₹1,500નો વધારો નોંધાયો હતો, જયારે ચાંદીના ભાવમાં આશ્ચર્યજનક રીતે ₹5,000નો ઘટાડો થયો હતો. ઉદયપુર સરાફા એસોસિએશન અનુસાર શુદ્ધ ચાંદીનો ભાવ હાલમાં પ્રતિ કિલોગ્રામ ₹1,71,400 છે, જયારે 18 કેરેટ ચાંદીનો ભાવ ₹1,70,000 નોંધાયો છે.

સોનાની વાત કરીએ તો 24 કેરેટ સોનાનો ભાવ પ્રતિ 10 ગ્રામ ₹1,31,500 છે. ઘરેણાંમાં ઉપયોગ થતો સોનાનો દર ₹1,26,240 છે, જયારે 22 કેરેટ સોનાનો ભાવ GST સહિત ₹1,20,980 નોંધાયો છે. ઉદયપુરના બુલિયન વેપારીઓ જણાવે છે કે, ભાવમાં રોજિંદી ઉથલપાથલ હોવા છતાં તહેવારોમાં લોકો બજારમાં ઉમટી પડ્યા છે. ગ્રાહકો તેમની ક્ષમતા અનુસાર ખરીદી કરી રહ્યા છે અને દુકાનોમાં ભરપૂર ભીડ જોવા મળી રહી છે.

5 ગ્રામના ચાંદીના સિક્કાની જરૂરિયાત વધી

જ્વેલર્સ્ દ્વારા જણાવવામાં આવ્યું છે કે, આ વર્ષે ગ્રાહકો હળવા વજન અને અનોખી ડિઝાઇન ધરાવતા દાગીનાની શોધમાં છે. કારીગરો દ્વારા બજેટ-ફ્રેન્ડલી અને આધુનિક ડિઝાઇનવાળા દાગીના તૈયાર કરવામાં આવ્યા છે, જેથી દરેક ગ્રાહક પોતાની જરૂરિયાત અનુસાર ખરીદી કરી શકે. ચાંદીના વેપારીના જણાવ્યા મુજબ, આ વખતે લોકો ખાસ કરીને 10 ગ્રામની જગ્યાએ 5 ગ્રામના ચાંદીના સિક્કા વધુ ખરીદી રહ્યા છે, કારણ કે તે તેમના બજેટમાં યોગ્ય રીતે ફિટ થાય છે. ધનતેરસ માટે અમે વિશાળ સંખ્યામાં નાના સિક્કા તૈયાર કર્યા છે અને અમને વેચાણની ઊંચી અપેક્ષા છે.

આ પણ વાંચો : 27 ઓક્ટોબર પહેલા લગાવો દાવ, રિસ્ક વગર એક શેર પર ડાયરેક્ટ 23 રૂપિયાનો નફો

ગ્રાહકો માટે આકર્ષક તહેવારગિફ્ટ અને ઓફરો

ઉદયપુર સરાફા એસોસિએશનના સભ્યે જણાવ્યું હતું કે, ધનતેરસ અને દિવાળી નિમિત્તે અનેક દુકાનોમાં ખાસ ઓફરો રજૂ કરવામાં આવી છે. કેટલીક દુકાનો તો એવા લાભદાયક યોજનાઓ પણ આપી રહી છે જેમ કે, જેટલું સોનાનું વજન ખરીદશો, એટલો મફત ચાંદીનો સિક્કો. વધુમાં ખરીદીને યાદગાર બનાવવા માટે ગ્રાહકોને લકઝરી ગિફ્ટો, કૂપનો અને ડિસ્કાઉન્ટ ઓફરો પણ આપવામાં આવી રહી છે.

DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ