નારાજગી / ઘઉંનો પાક આવતા માર્કેટ ડાઉન! નવી આવકે દેખા દેતા ભાવ અડધા થઈ ગયા! યાર્ડ સત્તાધીશોએ 'ટેકો' બતાવ્યો

• અરવલ્લી જીલ્લામાં ઘઉંનું મબલક ઉત્પાદન
• મોડાસા માર્કેટયાર્ડ ખાતે ઘઉંની મબલક આવક
• માર્કેટમાં ભાવ ન મળતા ખેડૂતોમાં નારાજગી

 અરવલ્લી જિલ્લામાં ચાલુ રવિ સીઝનમાં ખેડૂતોએ સૌથી વધુ ૬૦ હજાર હેક્ટર જમીનમાં ઘઉંના પાકનું વાવેતર કર્યું છે વાવેતર બાદ પાક તૈયાર થતા હાલ ખેડૂતો ઘઉં વેચવા મોડાસા માર્કેટ યાર્ડમાં આવતા માર્કેટ યાર્ડમાં રોજની ૪૪૦ બોરી ઘઉંની આવક ચાલુ થઇ છે.શરૂઆતમાં ખેડૂતોને ઘઉંનો ભાવ હાલ ૪૦૦ થી ૫૫૫ સુધી મળી રહ્યો છે પરંતુ આ ભાવ થી પણ ખેડૂતોમાં નારાજગી જોવા મળી રહી છે.

ભાવ ઘટી જતા ખેડૂતોમાં નારાજગી
ખાસ કરીને ઘઉંની આવક ચાલુ થતા પહેલા જુના ઘઉંનો ભાવ ૧૦૦૦ રૂપિયા જેટલો પ્રતિ ૨૦ કિલોનો મળી રહ્યો હતો. તેવામાં નવી આવક ચાલુ થતાજ ભાવ ઘટી જતા ખેડૂતો નારાજ છે.બીજી તરફ ખાતર ખેડ અને બિયારણ પણ મોંઘુ થયું છે તેવા સંજોગોમાં ખેડૂતોને માર્કેટમાં મળતા ભાવ પોષાય તેમ નથી. જેથી ખેડૂતોને નવા ઘઉંના પ્રતિ ૨૦ કિલોના ૭૦૦ થી ૮૦૦ રૂપિયા ભાવ મળે તેવી માંગ ખેડૂતો કરી રહયા છે

વધુ વાંચોઃ ભુજ પોલીસની નાકામી: અમૃતસરથી પરત ફરતી વખતે ડ્રગ્સકાંડ કેસનો નામચીન જોબનજીત ફરાર, 'પ્રેશર' આવ્યું કહી છટક્યો

એપીએમસી મોડાસામાં ઘઉની બોરીની આવક 500 થી 600 સુધીની રહે છે
આ બાબતે માર્કેટ યાર્ડના ઈન્ચાર્જ સેક્રેટરી કૌશિકભાઈ ભટ્ટે જણાવ્યું હતું કે,  હાલ એપીએમસી મોડાસામાં ઘઉંની બોરીની આવક 500 થી 600 બોરી સુધીની આવક છે.  તેમજ ઘઉનાં ભાવ 480 થી લઈ 555 સુધીના ભાવ મળે છે. અત્યારે ખેડૂતો જે ભાવ લઈને આવે છે. તેમાં ટેકાના ભાવ કરતા ભાવ ઉંચા મળી રહ્યા છે.  તેથી ખેડૂતોને પણ સંતોષ છે. અને ઘઉં સિવાય દીવેલા તેમજ રાયડાની પણ આવક સારી છે.  રાયડાના ભાવ પ્રમાણમાં નીચા છે.  દીવેલાના ભાવ રૂા. 1100 થી 1120 રૂપિયાની આજુબાજુ પડે છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો