ડરનો માહોલ / જૂનાગઢમાં એવું તો શું થયું કે ખભે બંદૂક લઈને આવ્યા ધારાસભ્ય, 20 દિવસથી દહેશતમાં રહેતા ખેડૂતોને આપ્યું આશ્વાસન

• વિસાવદરના ભૂતડી ગામમાં બુકાનીધારી ગેંગનો આતંક
• રાત્રિના સમયે બુકાનીધારી ગેંગ ખેડૂતોને ઓરડામાં પૂરી દે છે
• ખુદ MLA હર્ષદ રિબડીયા બંદૂક લઇને ભૂતડી ગામ પહોંચ્યા

જૂનાગઢના વિસાવદરના ભૂતડી ગામમાં બુકાનીધારી ગેંગનો આતંક છે. રાત્રિના સમયે બુકાનીધારી ગેંગ ખેડૂતોને ઘરમાં પુરી દઇને ધમકીઓ આપે છે. આ બુકાનીધારી ગેંગનો એટલો બધો ત્રાસ છે કે ખેડૂતો સૂતા હોય એ સમયે તે લોકો ઘરનો દરવાજો બહારથી બંધ કરી દે છે. બુકાનઘારી ગેંગ દરવાજો બંધ કરીને દરવાજા પર લાતો મારી ખેડૂતોને ધમકી આપે છે.

છેલ્લા 20 દિવસથી બુકાનીધારી ગેંગે મચાવ્યો છે તરખાટ

ત્યારે આવી સ્થિતિમાં ખેડૂતોએ MLA હર્ષદ રિબડીયાને ફોન કર્યો હતો. આથી MLA હર્ષદ રિબડીયા તાત્કાલિક ધોરણે ઘટનાસ્થળે પહોંચ્યા હતા. MLA હર્ષદ રિબડીયા બંદૂક લઇને ભૂતડી ગામ પહોંચ્યા હતા. રાત્રે ભૂતડી ગામે MLA રિબડીયાએ પોલીસને પણ બોલાવી હતી.  આથી MLA રિબડીયાએ પોલીસ સમક્ષ બુકાનીધારી ગેંગને પકડવા માટેની રજૂઆત પણ કરી હતી. 
મહત્વનું છે કે, છેલ્લા 20 દિવસથી અહીં બુકાનીધારી ગેંગે તરખાટ મચાવ્યો છે. ખેડૂતોના જણાવ્યા મુજબ, મોઢા પર બુકાની બાંધીને બુકાનીધારી ગેંગના છ જેટલા શખ્સોએ ખેતરે આવી ધમકીઓ આપી હતી. ખેડૂતોને મકાનના ઓરડામાં પૂરી દે છે.

વિસાવદર તાલુકાના ભૂતડી ગામની સીમમાં છેલ્લા વિસક દિવસથી અસામાજિક તત્વોની છ જણાની ગેંગ બનાવી રાત્રીના સમયે અલગ અલગ ખેડૂતોની વાડીએ જઈને ખેડૂતો ખેત મજદૂરો વાડીના મકાનમાં સુતા હોઈ ત્યારે મકાનના બારણામાં પાટા મારીને ધમકીઓ આપે છે તેવી ગામના સરપંચ તેમજ ખેડૂતો દ્વાર મને જાણ કરવામાં આવી. pic.twitter.com/sWjP8MVtTH

— Harshad Ribadiya (@harshdribadiya) September 13, 2022

કેટલાક અસામાજિક તત્ત્વો ખેડૂતોને કરી રહ્યાં છે પરેશાન: હર્ષદ રીબડીયા

મહત્વનું છે કે, આ અંગે ધારાસભ્ય હર્ષદ રીબડીયાએ આક્ષેપ કર્યો હતો કે, છેલ્લા વીસેક દિવસથી કેટલાક અસામાજિક તત્ત્વો રાત્રીના સમયે અલગ-અલગ ખેડૂતોની વાડીએ જઈ ખેડૂતો મકાનમાં સૂતા હોય ત્યારે મકાનના બારણે પાટા મારીને ધમકીઓ આપે છે. આ પ્રકારે ગામના સરપંચ અને ખેડૂતો દ્વારા જાણ કરવામાં આવી હતી. આથી તેઓ ભુતડી ગામે દોડી ગયા હતા અને રાત્રીના દસ વાગ્યાની આસપાસ ખેતમજૂર વિરોધીઓ એટલે કે બુકાનીધારી ગેંગની શાન ઠેકાણે લાવવા બંદૂક લઈને પહોંચી ગયા હતા.

આ સમગ્ર મામલે વિસાવદરના PI આર. બી. ગઢવીનું કહેવું છે કે, ખેડૂતોને બુકાનીધારીઓ હેરાન કરતા હોવાની ખેડૂતો અને ધારાસભ્યની ફરિયાદ મળી છે. આથી પોલીસ આ મામલે તપાસ માટે ગઈ હતી. તેમજ પોલીસ કર્મચારીઓની ટીમો બનાવીને અલગ-અલગ વિસ્તારમાં તપાસ માટે ગોઠવી દેવાઇ છે.