દિલ્હી / G20 સમિટ: બ્રિટનનાં PM ઋષિ સુનક ભારત પધાર્યાં! 'જય સિયારામ' સાથે થયું અભિવાદન, મંત્રીએ ભેટમાં આપી હનુમાન ચાલીસા

• G20 સમિટમાં જોડાવા વિદેશી મહેમાનો પધાર્યા
• બ્રિટનનાં PM ઋષિ સુનકનું અભિવાનદન જય સિયારામ સાથે થયું
• કેન્દ્રીય મંત્રી અશ્વિની ચૌબેએ હનુમાન ચાલીસા અને રૂદ્રાક્ષ ભેટમાં આપ્યાં

રાજધાની દિલ્હીમાં G20 સમિટ માટે વિદેશી મહેમાનો પધારવા માંડ્યા છે. બ્રિટનનાં PM ઋષિ સુનક દિલ્હી પહોંચી ગયાં છે. ભારતની ધરા પર સુનકનું સ્વાગત જય સિયારામ સાથે કરવામાં આવ્યું. કેન્દ્રીય મંત્રી અશ્વિની ચૌબે તેમને રિસીવ કરવા એરપોર્ટ પહોંચી હતી.  

I’ve landed in Delhi ahead of the #G20 summit.

I am meeting world leaders to address some of the challenges that impact every one of us.

Only together can we get the job done. pic.twitter.com/72vE60c7Fg

— Rishi Sunak (@RishiSunak) September 8, 2023

મંત્રીએ દેશની આધ્યાત્મિક સંસ્કૃતિનો આપ્યો પરિચય
કેન્દ્રીય મંત્રી અશ્વિની ચૌબેનાં મીડિયા સલાહકાર પંકજ મિશ્રાએ જણાવ્યું કે સ્વાગત દરમિયાન કેન્દ્રીય મંત્રી ચૌબેએ બ્રિટનનાં પ્રધાનમંત્રીનું તેમના પૂર્વજોની ધરતી પર જય સિયારામનાં અભિવાદનથી સ્વાગત કર્યું. કેન્દ્રીય મંત્રીએ ઋષિ સુનકને જણાવ્યું કે તેઓ બિહારનાં બક્સરથી સાંસદ છે. બક્સર આધ્યાત્મિક રૂપે પ્રાચીનકાળથી પ્રસિદ્ધ નગર છે જ્યાં ભગવાન શ્રીરામ અને તેમના ભાઈ લક્ષ્મણે ગુરુ મહર્ષિ વિશ્વામિત્ર પાસેથી શિક્ષા દીક્ષા લીધી હતી અને તાડકાસુરનો વધ કર્યો હતો. 

G20 in India 🌍🇮🇳 | UK Prime Minister Rishi Sunak touches down in Delhi for the G20 Summit, where he received a warm welcome from Ashwini Kumar Choubey, Minister of State for Consumer Affairs, Food and Public Distribution, and Ministry of Environment, Forest and Climate Change.… pic.twitter.com/8OtxLNdTKG

— Paras Chawla (@chawla_paras) September 8, 2023

ભેટમાં રુદ્રાક્ષ આપ્યું
એટલું જ નહીં મંત્રીએ અયોધ્યા બક્સર સહિત માં જાનકીનાં જન્મસ્થળ સીતામઢી અને બાંકાનાં મંદાર પર્વતની આધ્યાત્મિક સંસ્કૃતિથી પણ પ્રધાનમંત્રી સુનક અને તેમની પત્નીને અવગત કરાવ્યું. આ સાથે જ મંત્રીએ સુનકને રૂદ્રાક્ષ, શ્રીમદભગવદગીતા અને હનુમાન ચાલીસા ભેટમાં આપી.

આજથી દ્વિપક્ષીય બેઠકો શરૂ થશે
પ્રધાનમંત્રી નરેન્દ્ર મોદી 8 સપ્ટેમ્બરના રોજ એલકેએમમાં મોરીશસ, બાંગ્લાદેસી અને અમેરિકી નેતાઓ સાથે દ્વિપક્ષીય બેઠકો કરશે, ત્યારપછી 9 સપ્ટેમ્બરના રોજ બ્રિટન, જાપાન, જર્મની અને ઈટાલીના રાષ્ટ્રાધ્યક્ષો સાથે દ્વિપક્ષીય બેઠકો કરશે. પ્રધાનમંત્રી નરેન્દ્ર મોદી 10 સપ્ટેમ્બરના રોજ ફ્રાંસના રાષ્ટ્રપતિ મૈક્રો સાથે વર્કિંગ લંચ મીટિંગ કરશે. કેનેડાની સાથે અલગ બેટક કરશે અને કોમોરોસ, તુર્કી, UAE, દક્ષિણ કોરિયા, ઈયૂ/ઈસી, બ્રાઝિલ અને નાઈજીરિયાની સાથે દ્વિપક્ષીય બેઠક કરશે.