નેત્રમ / ગુના ઉકેલવાનું `બ્રહ્માસ્ત્ર' નેત્રમ, VTV સાથેની વાતચીતમાં ગુન્હાશોધનમાં અને રિકવરીમાં કચ્છની સ્થિતિ અંગે SP એ કહ્યું...

• રાજ્યમાં ગુન્હાશોધન રિકવરીમાં પશ્ચિમ કચ્છ પોલીસ પ્રથમ નંબરે 
• ભુજમાં વિશ્વાસ પ્રોજેક્ટ નેત્રમ સીસીટીવી બની રહ્યા છે મદદરૂપ 
• પશ્ચિમ કચ્છ પોલીસ અધિક્ષક સૌરભ સિંઘે વીટીવી ન્યુઝ સાથે કરી ખાસ વાતચીત 

કચ્છ પોલીસ દ્વારા નેત્રમ પ્રોજેકટના સીસીટીવી કેમેરાની મદદથી સંવેદનશીલ વિસ્તારમાં ચાંપતી નજર રાખવામાં આવી રહી છે. એટલું જ નહીં આ તીસરી આંખની મદદથી અનેકવિધ ગુન્હામાં આરોપી સુધી પહોંચવામાં સરળતા મળે છે. આ મામલે પશ્ચિમ કચ્છ પોલીસ વડા સૌરભ સિંઘે વીટીવી ન્યુઝ સાથે ખાસ વાતચીત કરી આ પ્રોકજેક્ટ અંગે તલસ્પર્શી માહિતી આપી હતી.

256 થી વધુ સીસીટીવી કેમેરા સાથે નેત્રમ નામનું વિશેષ અત્યાધુનિક કન્ટ્રોલ રૂમ

સરહદી પશ્ચિમ કચ્છ જિલ્લાના પાટનગર ભુજમાં પ્રોજેક્ટ વિશ્વાસ અંતર્ગત  256 થી વધુ સીસીટીવી કેમેરા સાથે નેત્રમ નામનું વિશેષ અત્યાધુનિક કન્ટ્રોલ રૂમ શરૂ કરવામાં આવ્યું છે. જેમાં ભુજ સહીત અન્ય જગ્યાઓ પર લાગેલા સીસીટીવી કેમેરાનું મોનીટરીંગ કરવામાં આવી રહ્યું છે. જેને લઈને વીટીવી ન્યુઝ દ્વારા નેત્રમની મુલાકાત લેવામાં આવી હતી. આ દરમિયાન પશ્ચિમ કચ્છ પોલીસ અધિક્ષક સૌરભ સિંઘ સાથે વાતચીત કરાઈ હતી. 

જિલ્લામાં ભીડ -ભાડ તેમજ જાહેર માર્ગો પર પોલીસની સતત નજર

જેમાં તેમણે કહ્યું હતું કે નેત્રમ માત્ર લોકો પર ટ્રાફિકના નિયમોના ભંગ પર દંડાત્મક કાર્યવાહી પૂરતું સીમિત નથી રહ્યું .આ કંટ્રોલ રૂમની મદદથી જિલ્લામાં બનેલા અનેકવિધ ગુન્હાઓનું શોધન માટે પણ ખુબજ ઉપયોગી નીવડ્યા છે. ગુજરાતમાં ગુન્હાખોરી શોધનમાં પશ્ચિમ કચ્છ જિલ્લો ત્રીજા ક્રમાંકે રહ્યો હોવાનુ પણ તેમણે ઉમેર્યું હતું. સૌથી વધુ રિકવરી સાથે રાજ્યમાં જિલ્લો અવ્વ્લ નંબરે છે. નેત્રમની મદદથી જિલ્લામાં ભીડ -ભાડ તેમજ જાહેર માર્ગો પર પોલીસની સતત નજર રાખવામાં આવી રહી હોવાનું પોલીસ અધિકારીએ જણાવ્યું હતું.