એલપીજી ગેસ સિલિન્ડરના ગ્રાહકોમાટે ખૂબ જ સારાં સમાચાર છે. હવે તમે સબસિડી વિનાના ગેસ સિલિન્ડર પર પણ ભારે છૂટનો લાભ લઈ શકો છો. તમને જણાવી દઈએ કે કેન્દ્ર સરકાર તેના ગ્રાહકોને ઉજ્જવલા યોજનાની સુવિધા આપે છે. આ સુવિધામાં ગ્રાહકોને સબસિડી આપવામાં આવે છે, જે સીધી બેંક ખાતામાં ટ્રાન્સફર થાય છે. આમાં તમને એક વર્ષમાં 12 સિલિન્ડર મળે છે, પરંતુ આજે અમે તમને એક એવી સુવિધા વિશે જણાવીશું, જેના દ્વારા તમે સબસિડી વિના પણ સિલિન્ડર પર ડિસ્કાઉન્ટ મેળવી શકો છો.
ગેસ સિલિન્ડરના વપરાશકર્તાઓ માટે કામના સમાચાર
સબસિડી વિના પણ તમે મેળવી શકો છો છૂટ
આ રીતે પેમેન્ટ કરવા પર થશે ફાયદો
અત્યારે ડિજિટલ પેમેન્ટને પ્રોત્સાહન આપવા માટે રાજ્યની ઓઇલ કંપનીઓ ગ્રાહકોને કેશબેકની સુવિધા આપી રહી છે. જો તમે ડિજિટલ મોડથી સિલિન્ડર બુક કરશો તો તમને આ સુવિધા મળશે. તમને જણાવી દઈએ કે હિન્દુસ્તાન પેટ્રોલિયમ, ઇન્ડિયન ઓઇલ અને ભારત પેટ્રોલિયમ તેમના ગ્રાહકોને ઓનલાઇન પેમેન્ટ પર ડિસ્કાઉન્ટ આપી રહ્યાં છે.
પેટીએમ પર 500 રૂપિયા સુધીની છૂટ મળશે
ઓઇલ કંપનીઓ પેટીએમથી પેમેન્ટ કરવા પર સારું ડિસ્કાઉન્ટ આપે છે. પ્રથમ વખત પેમેન્ટ કરવા પર સારું કેશબેક મળે છે. પેટીએમ તેના ગ્રાહકોને 500 રૂપિયા સુધીનું કેશબેક આપે છે. આ સિવાય તમે નેટ બેન્કિંગ, ડેબિટ કાર્ડ અથવા ક્રેડિટ કાર્ડનો પણ ઉપયોગ કરી શકો છો.
1 નવેમ્બરથી ડિલિવરી સિસ્ટમમાં થયો ફેરફાર
તમને જણાવી દઈએ કે 1 નવેમ્બરથી એલપીજી સિલિન્ડર હોમ ડિલિવરીની સંપૂર્ણ પ્રક્રિયા બદલાઈ ગઈ છે. ડોમેસ્ટિક સિલિન્ડરની ચોરી અટકાવવા અને યોગ્ય ગ્રાહકને ઓળખવા માટે ઓઇલ કંપનીઓએ નવીએલપીજી સિલિન્ડરની ડિલિવરી સિસ્ટમ લાગુ કરી છે. આ સિસ્ટમ હેઠળ સિલિન્ડરની ડિલિવરી લેતી વખતે તમારે ઓટીપી આપવો પડશે.