મનોરંજન / આખરે શું છે આ મહાદેવ સટ્ટાબાજી App? જેને લઇ રણબીર કપૂરથી માંડીને કપિલ શર્મા સુધીના કલાકારોને આવ્યું EDનું તેડું

• મહાદેવ બેટિંગ એપ સાથે જોડાયેલ મની લોન્ડ્રિંગ મામલો
• મની લોન્ડ્રિંગ મામલે હાસ્ય કલાકાર કપિલ શર્માને હાજર થવા આદેશ
• અન્ય કલાકારોને પૂછપરછ માટે સમન મોકલવામાં આવ્યું

EDએ મહાદેવ સટ્ટાબાજી એપ સાથે જોડાયેલ મની લોન્ડ્રિંગ મામલે હાસ્ય કલાકાર કપિલ શર્મા, અભિનેત્રી હુમા કુરૈશી અને હિના ખાનને સમન મોકલીને અલગ અલગ તારીખે પૂછપરછ કરવા માટે હાજર થવા કહ્યું છે. અધિકારીઓએ ગુરુવારે જણાવ્યું છે કે, તપાસ એજન્સીએ આ મામલે અભિનેતા રણબીર કપૂરને સમન મોકલીને આજે હાજર થવા માટે આદેશ આપ્યો છે. 

અલગ અલગ દિવસે હાજર થશે
માનવામાં આવી રહ્યું છે કે, રણબીપ કપૂરે બે સપ્તાહનો સમય માંગ્યો છે. અધિકારીઓએ જણાવ્યું છે કે, ત્રણ કલાકારને અલગ અલગ તારીકે હાજર થવા માટે કહેવામાં આવ્યું છે. એજન્સી મની લોન્ડ્રિંગ નિષેધ અધિનિયમ હેઠળ નિવેદન નોંધશે. 

તપાસ
માનવામાં આવી રહ્યું છે કે, આ કલાકારોને આરોપી નહીં બનાવવામાં આવે. આ કલાકારોએ મહાદેવ એપ્લિકેશનનો પ્રચાર કર્યો તથા અન્ય કલાકારોએ વિદેશમાં થયેલ પ્રવર્તકના લગ્નમાં મહેમાનોનું મનોરંજન કર્યું હતું. આ મામલે ફેમસ સેલેબ્સ સહિત 100થી વધી લોકોની તપાસ કરવામાં આવશે. 

આ સેલેબ્સ શામેલ થશે
દુબઈમાં 260 કરોડ રૂપિયાના ખર્ચે ચંદ્રાકરના લગ્ન થયા હતા. જેમાં ટાઈગર ટાઈગર શ્રોફ, સની લિયોન, નેહા કક્કર, આતિફ અસલમ, રાહત ફતેહ અલી ખાન, અલી અસગર, વિશાલ દદલાની, એલી અવરામ, ભારતી સિંહ, ભાગ્યશ્રી, કૃતિ ખરબંદા, નુસરત ભરૂચા, કૃષ્ણા અભિષેક શામેલ થયા હતા. 

શું છે સમગ્ર મામલો
મહાદેવ ગેમિંગ એપ્લિકેશન સટ્ટાબાજી માટે એક પ્લેટફોર્મ પ્રદાન કરે છે. કંપની કથિતરૂપે ક્રિકેટ, ટેનિસ, બેડમિંટન, પોકર અને કાર્ડ ગેમ સહિત અનેક લાવ ગેમ્સ ઓનલાઈન પ્લેટફોર્મના માધ્યમથી પ્રદાન કરે છે. આ મામલે રણબીર કપૂર પર ગેરકાયદાકીય રીતે પૈસા કમાવાનો આરોપ છે. જે અંગે EDએ કાર્યવાહી કરી છે. રણબીર કપૂરને આ પૈસા રોકડમાં આપવામાં આવ્યા હતા, રણબીર કપૂરે તપાસમાં થોડો સમય માંગ્યો છે.