ગાંધીનગર Gossip / ભાજપના દિગ્ગજ નેતાએ વિધાનસભામાં જીદ પકડી, ‘મારે મુખ્યમંત્રી જેવી જ ખુરશી જોઈએ’

• વિધાનસભામાં ભાજપના એક નેતાએ ઓફિસનું રિનોવેશન કરાવ્યું છે
• મુખ્યમંત્રી જેવી ખુરશી જ ખુરશી લાવવા જીદ કરી હતી
• ખુરશી લાવી તેના પર બેસીને કામગીરી શરૂં પણ કરી દીધી છે

ભાજપના એક નેતા એવા છે કે, પોતાને સુપર ‘CM’ માની રહ્યા છે. વિધાનસભા સત્ર શરુ થવા પહેલાં જ આ નેતાએ પોતાની ઓફિસને નવો ઓપ આપ્યો છે. વિધાનસભા હોય કે, સ્વર્ણિમ સંકુલ. નિયત કરેલા નિયમ મુજબ જ ઓફિસમાં રિનોવેશન થાય છે અને જે તે ફર્નિચરની ખરીદી થાય છે. પ્રજા માટે તો ઘણા નિયમો હોય છે પરંતુ ભાજપના નેતાઓ માટે નિયમોને કોઈ લેવાદેવા નથી. 

મંત્રી બનવા તલપાપડ થયેલાં ભાજપના નેતાએ પોતાની ઓફિસમાં બજેટ બહાર રિનોવેશન તો કરાવી લીધું પણ ધારાસભ્યો અને મુલાકાતીઓ પર રોફ-રુઆબ જમાવવા મુખ્યમંત્રી જેવી ખુરશી જ ખુરશી લાવવા જીદ કરી હતી જેથી અધિકારીઓએ તેમને સમજાવ્યાં કે, અમુક રકમથી વધુની ખુરશી ખરીદી શકાય નહીં.

આમ છતાં ભાજપના નેતાએ મુખ્યમંત્રી જેવી જ ખુરશી લાવી તેના પર બેસીને કામગીરી શરૂ કરી દીધી છે. હવે અધિકારીઓ મૂંઝાયા છે કે, ખુરશીનું બિલ કેવી રીતે પાસ કરવું. ભાજપના આ નેતાના વર્તાવથી ભાજપ ધારાસભ્યો પણ અંદરખાને નાખુશ છે. કારણકે, મંત્રી કરતા પણ આ નેતાનો જબરો વટ છે.