BIG NEWS / ભાજપ હાઈકમાન્ડે પૂર્વ CM રૂપાણીને આપી મોટી જવાબદારી, પરંતુ ગુજરાતની બહાર

• પૂર્વ મુખ્યમંત્રી વિજય રૂપાણીને મળી મોટી જવાબદારી 
• પંજાબ અને ચંદીગઢના ભાજપ પ્રભારી બનાવ્યા

2024 વિધાનસભા ચૂંટણી લઈ ભાજપ હાઈકમાંડે અત્યારથી તૈયારીઑ કરી લીધી છે. આજે વિવિધ રાજ્યના ભાજપ પ્રભારીઓની જાહેરાત કરવામાં આવી છે જેમાં પૂર્વ CM રૂપાણીને કેન્દ્રિય નેતૃત્વએ મોટી  જવાબદારી આપી છે.રૂપાણીને પંજાબ અને ચંદીગઢના પણ પ્રભારી તરીકે જવાબદારી સોંપવામાં આવી છે.

BJP appoints party's state incharges & co-incharges for states

Ex-Tripura CM Biplab Deb to be the incharge of Haryana,ex-Gujarat CM Vijay Rupani to be that of Punjab-Chandigarh, ex-Bihar Minister Mangal Pandey to be that of WB & Sambit Patra to be coordinator of northeast states pic.twitter.com/z80tMyGYQw

— ANI (@ANI) September 9, 2022

ભાજપે રાજ્યોના નવા પ્રભારી નિયુક્ત કર્યા છે. બિહાર પ્રભારી વિનોદ તાવડેને પ્રભારી, જ્યારે હરીશ દ્વિવેદદીને સહપ્રભારી બનાવ્યા છે. ઓમ માથુર છત્તીસગઢના પ્રભારી બનાવ્યા છે. નિતિન નવીન સહ પ્રભારી બનાવ્યા છે. હરિયાણાના પ્રભારી વિપ્લવ દેવ, ઝારખંડના લક્ષ્મીકાંત બાજપેઈ, કેરલના પ્રકાશ જાવડેકર, મધ્ય પ્રદેશના મુરલીધર રાવ, પંજાબના વિજય રુપાણી, તેલંગણાના તરુણ ચુગ, રાજસ્થાનના અરુણ સિંહ, ત્રિપુરાના મહેશ શર્મા અને પશ્ચિમ બંગાળના મંગલ પાંડે પ્રભારી બનાવ્યા છે. તો વળી સમગ્ર ઉત્તર પૂર્વ રાજ્યોના સંયોજક સંબિત પાત્રાને બનાવ્યા છે.

મહત્વનું છે કે થોડા દિવસ પહેલા પૂર્વ સીએમ રૂપાણીએ જવાબદારીને લઈ મોટું નિવેદન આપ્યું હતું. જુઓ VIDEO

પાર્ટી જો ટિકિટ આપશે, તો ચૂંટણી લડીશ: વિજય રૂપાણી
ગત 27 ઓગસ્ટના રોજ વિજય રૂપાણી શ્રાવણ મહિનાના અંતિમ દિવસે સોમનાથ મહાદેવના દર્શન કરવા ગયા હતા એ દરમ્યાન તેઓએ ગુજરાતમાં ચૂંટણી લડવા અંગે નિવેદન આપતા જણાવ્યું હતું કે, 'પાર્ટી જો ટિકિટ આપશે, તો ચૂંટણી લડીશ.'અમે કોઇ પદ માટે કામ કરતા નથી. કોઇ ટિકિટો માટે કામ કરતા નથી. એક સ્વપ્ન છે કે ભારતમાતા શક્તિશાળી ભારતમાતા બને. પરમવૈભવના શિખર પર ભારત પહોંચે એ માટે એક સ્વપ્નથી કામ કરીએ છીએ. પાર્ટી જે કંઇ કામ સોંપે છે એ હંમેશા અમે કરતા આવ્યા છીએ. ચૂંટણી લડવાનું કહે તો લડીએ, ચૂંટણી ન લડવાનું કહે તો ચૂંટણી જીતવા માટે કામ કરીએ છીએ. આ અમારી એક પદ્ધતિ રહી છે.'