તૈયારી / લોકસભાની ચૂંટણી પહેલા સૌરાષ્ટ્ર ભાજપના સંગઠનમાં મોટા ફેરફાર, 11 જિલ્લા અને મહાનગરમાં પ્રમુખ બદલાયા, હવે આ જિલ્લાઓનો વારો

• લોકસભાની ચૂંટણી પહેલા સૌરાષ્ટ્ર ભાજપના સંગઠનમાં મોટા ફેરફાર
• રાજકોટ સહિત 11 જિલ્લા અને મહાનગરમાં પ્રમુખ બદલાયા
• કેન્દ્રીયમંત્રી ભૂપેન્દ્ર યાદવ ગુજરાતના પ્રવાસે આવ્યા

લોકસભાની ચૂંટણીના આગમન પહેલા જ ભાજપ દ્વારા અત્યારથી જ રાજકીય વાઘા સજાવી તૈયારીઓનો ધમધમાટ શરૂ કરી દેવાયો છે. જેના ભાગરૂપે ગુજરાત ભાજપમાં સંગઠનમાં મોટાપાયે ફેરફાર ચાલી રહ્યા છે. તાજેતરમાં જ રાજકોટ સહિત 11 જિલ્લાઓ અને મહાનગરના શહેર - જિલ્લા પ્રમુખોની બદલી કરાયા બાદ હવે જામનગર અને જૂનાગઢના શહેર અને જિલ્લા  પણ પ્રમુખોની ગમે તે ઘડીએ બદલાવ કરાઈ શકે છે. જામનગર અને જુનાગઢ જિલ્લામાં ગમે ત્યારે સંગઠન વિખેરી નાખી નવા હોદ્દેદારોને ફરજ સોંપવામાં આવી શકે તેવા ભણકારા વાગી રહ્યા છે. આ માટે પ્રદેશ ભાજપ નેતૃત્વ પરિવર્તન માટે સક્ષમ ઉમેદવારોની શોધખોળ કરી રહ્યું છે. સૌરાષ્ટ્રમાં કુલ 15 જિલ્લા અને મહાનગરમાંથી 11માં સંગઠન નેતૃત્વ પરિવર્તન કરાયું છે.

લોકસભાની 26 માંથી 26 બેઠકો ફરી એકવાર જીતવા ભાજપ એલર્ટ
2024ની લોકસભાની ચૂંટણી પહેલા કાર્યકરોમાં જુસ્સો ભરી ગ્રાઉન્ડ મજબૂત કરવા ભાજપ એક્ટિવ થયુ છે. ગુજરાતમાં લોકસભાની 26 માંથી 26 બેઠકો ફરી એકવાર જીતવા ભાજપ સતર્ક મોડમાં કામ કરી રહ્યું છે. જે માટે ભાજપે હર  ઘર સંપર્ક માટે અભિયાન હાથ ધર્યુ છે. જે માટે આજથી આગામી બે દિવસ વિતરકો 9 વર્ષના કામગીરી સાથે ફરી ગ્રાઉન્ડમા ઉતર્યા છે. આ માટે રાજ્યભરમાં 51,931 કાર્યકરો હર ઘર સંપર્ક અભિયાનમાં જોડાઈ રહ્યા છે. એટલું જ નહીં 2019માં ભાજપે આપેલા મેનિફેસ્ટો મુજબના થયેલા કામો અંગે ગુજરાતના ગામે ગામ લોકોને માહિતી આપવામા આવી રહી છે. 9 વર્ષમાં થયેલા કાર્યોનો રિપોર્ટની પત્રિકા વિસ્તારકો વેચી રહ્યા છે. કાર્યકરો પ્રત્યેક ઘરે પેપલેટ અને મિસ્કોલ થકી ભાજપ તરફી સમર્થન મેળવી રહ્યા છે.

आज मोदी@9 सेवा, सुशासन व गरीब कल्याण कार्यक्रम की श्रृंखला में अहमदाबाद पहुंचा।#9YearsOfSeva pic.twitter.com/EDJDSI5Wt5

— Bhupender Yadav (@byadavbjp) June 25, 2023

ગ્રીન ગ્રોથ વિષય સંદર્ભે કેન્દ્રિયમંત્રી અને પ્રભારી ભૂપેન્દ્ર યાદવે નિવેદન
બીજી બાજુ ભાજપના પ્રભારી અને કેન્દ્રીયમંત્રી ભૂપેન્દ્ર યાદવ ગુજરાતના પ્રવાસે આવ્યા છે. જ્યા તેઓએ મોદી સરકારના 9 સાલ બે મિશાલ અંગે સંવાદ યોજ્યો હતો. ગ્રીન ગ્રોથ વિષય સંદર્ભે કેન્દ્રિયમંત્રી અને પ્રભારી ભૂપેન્દ્ર યાદવે નિવેદન આપતા કહ્યું કે દુનિયામાં 2 તરફના લોકો પર્યાવરણ માટે કામ કરે છે. જેમાં એક લોકો માને છેકે બધું પતી જશે. બીજા લોકો વિચારે છે કે ટેકનોલોજીથી બધું સારું થઈ જશે. ભૂપેન્દ્ર યાદવે વધુમાં કહ્યું કે બીપરજોય જેવું વાવાઝોડું આવે તેમ છતાં આપણે સુરક્ષિત રહીએ છીએ. આજે ભારત ઇસરોના માધ્યમથી ટેકનોલોજી વિકસાવી છે.

LIVE: માનનીય કેન્દ્રીય મંત્રી શ્રી @byadavbjp જીની અધ્યક્ષતામાં અને પ્રદેશ અધ્યક્ષ શ્રી @CRPaatil જીની વિશેષ ઉપસ્થિતિમાં ગ્રીન ગ્રોથ વિષય સંદર્ભમાં સંવાદ કાર્યક્રમ । સ્થળ: ITC નર્મદા, અમદાવાદ https://t.co/UNbY3MD5Mc

— BJP Gujarat (@BJP4Gujarat) June 25, 2023

 

અમદાવાદની ITC નર્મદા હોટેલ ખાતે માનનીય કેન્દ્રીય મંત્રી શ્રી @byadavbjp જીની અધ્યક્ષતામાં અને પ્રદેશ અધ્યક્ષ શ્રી @CRPaatil ની વિશેષ ઉપસ્થિતિમાં ગ્રીન ગ્રોથ વિષય સંદર્ભમાં સંવાદ કાર્યક્રમ યોજાયો pic.twitter.com/PfOrjC1Qoe

— BJP Gujarat (@BJP4Gujarat) June 25, 2023