હેરતઅંગેજ / VIDEO : 1.87 લાખના ઓર્ડર કરેલા ફોન બોક્સમાંથી અજીબ ચીજ નીકળી, જોઈને ધબકારા બંધ થઈ જશે

આજકાલ લોકો વધુને વધુ વસ્તુઓ ઓનલાઈન ઓર્ડર કરવાનું પસંદ કરે છે. કરિયાણાનો સામાન પણ ઓનલાઈન ઓર્ડર કરવામાં આવે છે. આ સાથે, લોકો ઈલેક્ટ્રોનિક સામાન પણ ઓનલાઈન ઓર્ડર કરવાનું પસંદ કરે છે. પરંતુ બેંગલુરુના એક એન્જિનિયર સાથે કંઈક એવું બન્યું કે હવે ઓનલાઈન કંપનીઓ પર સવાલો ઉભા થયા છે. અહીં આ વ્યક્તિએ 1.87 લાખ રૂપિયાની કિંમતનો સેમસંગ ગેલેક્સી ઝેડ ફોલ્ડ 7 ઓર્ડર કર્યો હતો. તેણે તેના માટે પૈસા ચૂકવી દીધા હતા. પરંતુ જ્યારે પાર્સલ તેના ઘરે પહોંચ્યું અને તેણે બોક્સ ખોલ્યું ત્યારે તે ચોંકી ગયો. મોબાઈલ ફોનને બદલે, આ પાર્સલમાં 'ટાઈલ' હતી. જેના કારણે, તેમની બધી ખુશી શોકમાં ફેરવાઈ ગઈ.

શું છે આખો મામલો?

એન્જિનિયર પ્રેમાનંદે 14 ઓક્ટોબરે એમેઝોન એપ દ્વારા ફોનનો ઓર્ડર આપ્યો હતો અને તેના ક્રેડિટ કાર્ડથી સંપૂર્ણ ચુકવણી કરી હતી. 19 ઓક્ટોબરે જ્યારે પાર્સલ ડિલિવર થયું ત્યારે તેણે સમગ્ર પેકેજિંગ પ્રક્રિયાનો વીડિયો રેકોર્ડ કર્યો હતો. જોકે, બોક્સ ખોલતી વખતે, ફોનને બદલે ટાઇલ જોઈને તે ચોંકી ગયો. પ્રેમાનંદે કહ્યું, "મેં ₹1.87 લાખની કિંમતનો સેમસંગ ગેલેક્સી ઝેડ ફોલ્ડ 7 ઓર્ડર કર્યો હતો, પરંતુ ફોનને બદલે, મને ટાઇલ મળી. આ ખરેખર નિરાશાજનક છે. દિવાળીના એક દિવસ પહેલા જ આ બન્યું હતું, જેનાથી સમગ્ર ઉત્સવનો માહોલ બગડી ગયો હતો.

વધુ વાંચો : VIDEO : સ્કૂલમાં રેલિંગ પર ચઢીને કૂદકો મારતી દેખાઈ 9 વર્ષની છોકરી, ખૌફનાક CCTV સામે આવ્યાં

કંપનીએ બધા પૈસા પાછા આપ્યાં

જોકે કંપનીએ પાછળથી પ્રેમાનંદની સંપૂર્ણ રકમ પરત કરી દીધી હતી, આ ઘટનાએ ફરી એકવાર ઓનલાઈન શોપિંગ પ્લેટફોર્મની વિશ્વસનીયતા પર પ્રશ્નો ઉભા કર્યા છે.આ ઘટના બાદ, પ્રેમાનંદે તાત્કાલિક નેશનલ સાયબર ક્રાઈમ રિપોર્ટિંગ પોર્ટલ (NCRP) પર ફરિયાદ નોંધાવી અને પછી કુમારસ્વામી લેઆઉટ પોલીસ સ્ટેશનમાં ઔપચારિક રિપોર્ટ નોંધાવ્યો. પોલીસે કેસ નોંધીને તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ