ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / તમારા કામનું / એકાઉન્ટમાંથી આપો આપ કપાઇ જાય છે પૈસા તો તરત કરો આ કામ, બેંકે પાછા આપવા પડશે પૈસા
5 ફોટો ગેલેરી
Last Updated: 04:15 PM, 31 October 2026
FOLLOW ON
શેર કરો
1/5
ડિજિટલ બેંકિંગના આ યુગમાં, બેંક ખાતાઓ સાથે સંકળાયેલી છેતરપિંડીના કિસ્સાઓ વારંવાર સામે આવી રહ્યા છે. તાજેતરમાં ગ્રેટર નોઈડામાં પંજાબ નેશનલ બેંક (PNB)ની એક શાખામાંથી અત્યંત ચિંતાજનક ઘટના પ્રકાશમાં આવી છે. અહીં, ગ્રાહકોના ખાતાઓમાંથીજેમાં તેમની ફિક્સ્ડ ડિપોઝિટ (FD)નો પણ સમાવેશ થાય છે. કોઈપણ પૂર્વ સૂચના કે ચેતવણી મેસેજ આપ્યા વિના જ કરોડો રૂપિયા ગાયબ થઈ ગયા છે. જો તમારી સંમતિ વિના તમારા બેંક ખાતામાંથી પૈસા કપાઈ જાય, તો ગભરાવાની જરૂર નથી. રિઝર્વ બેંક ઓફ ઈન્ડિયા (RBI) ના નિયમો હેઠળ, આવા કિસ્સાઓમાં ગ્રાહકોને સંપૂર્ણ રિફંડ અને સુરક્ષાની ખાતરી આપવામાં આવે છે. તમારે બસ યોગ્ય સમયે યોગ્ય પગલાં લેવાની જરૂર છે.
આ તસવીર શેર કરો
2/5
જો તમારા ખાતામાંથી અચાનક પૈસા ચોરાઈ જાય, તો સૌથી પહેલું પગલું તમારી બેંકને જાણ કરવાનું છે. બેંકના અધિકૃત કસ્ટમર કેર નંબર, મોબાઈલ એપ અથવા વેબસાઈટ દ્વારા તરત જ આ છેતરપિંડીની જાણ કરો. આ ઉપરાંત, વધુ અનધિકૃત ઉપાડને રોકવા માટે બેંકને તમારું ખાતું ફ્રીઝ કરવા અથવા ડેબિટ ટ્રાન્જેક્શન તરત જ બ્લોક કરવા વિનંતી કરો. અન્ય એક મહત્વપૂર્ણ પગલું એ છે કે કોઈપણ પુરાવાને સુરક્ષિત રાખવા.ફરિયાદ નોંધાવ્યા પછી મળેલ રેફરન્સ નંબર, ટ્રાન્ઝેક્શન અંગેના SMS કે ઈમેલ એલર્ટ્સ, બેંક સ્ટેટમેન્ટ્સ અને સ્ક્રીનશોટનો સુરક્ષિત રેકોર્ડ રાખો. ત્રીજા પગલામાં સાયબર હેલ્પલાઇનનો સમાવેશ થાય છે. નેશનલ સાયબર ક્રાઈમ હેલ્પલાઇન નંબર 1930 પર કૉલ કરીને અથવા cybercrime.gov.in પોર્ટલ પર તમારી ફરિયાદ નોંધાવીને નાણાકીય છેતરપિંડી વિશે તાત્કાલિક જાણ કરો. જો તમે 1930 નંબર પર સંપર્ક ન કરી શકો, તો વિલંબ કર્યા વિના તરત જ તમારી બેંકને જાણ કરો.
આ તસવીર શેર કરો
ADVERTISEMENT
3/5
RBIના નિયમો અનુસાર, છેતરપિંડીના કિસ્સામાં ગ્રાહકની જવાબદારી એ વાત પર આધાર રાખે છે કે તેમણે કેટલી ત્વરિતતાથી આ ઘટનાની જાણ કરી છે. જો છેતરપિંડી બેંકની બેદરકારી અથવા સિસ્ટમની નિષ્ફળતાને કારણે થઈ હોય જેમ કે તાજેતરના PNB કેસમાં જોવા મળેલી આંતરિક અનિયમિતતાઓ તો તેમાં ગ્રાહકનો વાંક ગણવામાં આવતો નથી.આવા કિસ્સાઓમાં, ફરિયાદ ક્યારે દાખલ કરવામાં આવે છે તેને ધ્યાનમાં લીધા વિના, ગ્રાહકની કોઈ જવાબદારી રહેશે નહીં. વધુમાં, જો કોઈ તૃતીય પક્ષની ચૂકને કારણે છેતરપિંડી થાય, જેમાં બેંક કે ગ્રાહક બંનેમાંથી કોઈનો વાંક ન હોય તો પણ ગ્રાહકને જવાબદાર ગણવામાં આવશે નહીં. એકમાત્ર શરત એ છે કે ગ્રાહકે એલર્ટ મળ્યાના ૩ કામકાજના દિવસોની અંદર બેંકને જાણ કરવી આવશ્યક છે. આવી પરિસ્થિતિમાં, બેંકે સંપૂર્ણ રકમ પરત કરવી જરૂરી છે.
આ તસવીર શેર કરો
4/5
જો ગ્રાહક 4 થી 7 કામકાજના દિવસોમાં ફ્રોડ અંગે જાણ કરે, તો તેમની જવાબદારી મર્યાદિત થઈ જાય છે. આવા કિસ્સાઓમાં, ખાતાના પ્રકારને આધારે, ગ્રાહકે વધુમાં વધુ 5,000 થી 25,000 સુધીનું નુકસાન અથવા છેતરપિંડીની વાસ્તવિક રકમ આ બેમાંથી જે ઓછું હોય તે ભોગવવું પડશે. જો ફરિયાદ 7 કામકાજના દિવસો પછી નોંધાવવામાં આવે, તો ગ્રાહકની જવાબદારી બેંકની બોર્ડ-મંજૂર નીતિ અનુસાર નક્કી કરવામાં આવે છે. જોકે, જો ગ્રાહકની પોતાની બેદરકારીને કારણે નુકસાન થાય જેમ કે અન્ય કોઈ વ્યક્તિ સાથે OTP, PIN અથવા પાસવર્ડ શેર કરવો તો ફરિયાદ નોંધાવ્યા સુધી થયેલું સંપૂર્ણ નુકસાન ગ્રાહકે પોતે ભોગવવું પડશે. જો કે, બેંકમાં ફરિયાદ નોંધાવ્યા પછી જો કોઈ વધુ નુકસાન થાય, તો બેંક તેની ભરપાઈ કરશે.
આ તસવીર શેર કરો
ADVERTISEMENT
5/5
રિફંડની સમયમર્યાદા અંગે RBIના નિયમો પણ ખૂબ સ્પષ્ટ છે. શૂન્ય અથવા મર્યાદિત જવાબદારી ધરાવતા કિસ્સાઓમાં, ગ્રાહકની ફરિયાદ મળ્યાના 10 કામકાજના દિવસોમાં બેંકે ગ્રાહકના ખાતામાં 'પ્રોવિઝનલ ક્રેડિટ' આપવી જરૂરી છે. આ ક્રેડિટ તે તારીખથી અસરકારક ગણાશે જે તારીખે મૂળભૂત રીતે ખાતામાંથી રકમ ડેબિટ કરવામાં આવી હતી. વધુમાં, બચત ખાતા અથવા ડેબિટ કાર્ડ સાથે સંકળાયેલી છેતરપિંડીના કિસ્સામાં, બેંકે એ પણ સુનિશ્ચિત કરવું જોઈએ કે ગ્રાહકને વ્યાજનું કોઈ નુકસાન ન થાય. બેંકે વધુમાં વધુ 90 દિવસની અંદર પોતાની તપાસ પૂર્ણ કરી ફરિયાદનો અંતિમ ઉકેલ લાવવો જરૂરી છે. જો બેંક 90 દિવસમાં આ બાબતનો ઉકેલ લાવવામાં નિષ્ફળ જાય, તો તેણે ગ્રાહકને સંપૂર્ણ વળતર આપવું પડશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
