કાર્યવાહી / બાગેશ્વર બાબાનો પરિવાર મુશ્કેલીમાં, નાના ભાઈ શાલિગ્રામ ગર્ગની ધરપકડ, જાણો કયા વિવાદમાં સંડોવાયા

• બાગેશ્વર બાબાનો પરિવાર આફતમાં
• નાના ભાઈ શાલિગ્રામ ગર્ગની પોલીસે કરી ધરપકડ
• દલિત પરિવારના લગ્નમાં હોબાળાનો આરોપ 

મધ્ય પ્રદેશના બાગેશ્વર ધામના પ્રમુખ ધીરેન્દ્ર કૃષ્ણ શાસ્ત્રીના ભાઈ શાલિગ્રામ ગર્ગની છતરપુર પોલીસે ધરપકડ કરીને તેમને કોર્ટમાં રજૂ કર્યાં હતા. છેલ્લા ઘણા સમયથી તેમની ધરપકડનું દબાણ વધતાં આખરે પોલીસને કાર્યવાહીની ફરજ પડી હતી. 

દલિત પરિવારના લગ્નમાં નશો કરીને મચાવ્યો હતો ઉત્પાત 

શાલિગ્રામે એક દલિત પરિવારના લગ્નમાં નશો કરીને જોરદાર ઉત્પાત મચાવ્યો હતો તેમજ તમંચો પણ લહેરાવ્યો હતો. આ ઘટનાનો વીડિયો વાયરલ થયો હતો.  ગત મહિને પણ પોલીસે તેમની સામે એસટી-એસસી એક્ટ હેઠળ કેસ નોંધ્યો હતો. પોલીસના જણાવ્યા અનુસાર ગત મહિને ગઢા ગામમાં એક આહિરવાર પરિવારની દીકરીના લગ્ન થયા હતા, પરિવાર પહેલા બાગેશ્વર ધામ ખાતે યોજાયેલા સમૂહ લગ્ન સમારોહમાં લગ્ન કરવા માંગતો હતો અને તેના માટે અરજી પણ કરી હતી, પરંતુ બાદમાં નિર્ણય બદલી નાખ્યો હતો.

#UPDATE | Madhya Pradesh: Bageshwar Dham's Dhirendra Shastri's brother Shaligram Garg along with another accomplice Rajaram Tiwari arrested for "using abusive language, pointing gun & threatening complainant" during wedding function on Feb 11 in Gadha village, Chhatarpur district https://t.co/y6Icf0UjV3

— ANI MP/CG/Rajasthan (@ANI_MP_CG_RJ) March 2, 2023

દલિત પરિવારમાં લગ્નમાં જઈને મચાવ્યો હતો હોબાળો 
ધીરેન્દ્ર શાસ્ત્રીના નાના ભાઈ શાલીગ્રામને આ વાત પસંદ ન આવતા તેઓ લગ્ન પ્રસંગમાં પહોંચીને હંગામો મચાવ્યો હતો, તેમજ ધમકી પણ આપી હતી. 

વીડિયો વાયરલ થયા બાદ પોલીસ દાખલ કર્યો ગુનો 
ધીરેન્દ્ર શાસ્ત્રીના નાના ભાઈ શાલીગ્રામનો દલિત પરિવારના સભ્યોને ધમકી આપતો એક વીડિયો પણ સોશિયલ મીડિયા પર વાયરલ થયો હતો. જેને પગલે પોલીસે શાલીગ્રામ સામે એસસી/એસટી એક્ટની વિવિધ કલમો હેઠળ ગુનો નોંધ્યો હતો. જાણકારી અનુસાર ગઢા ગામના એક વ્યક્તિએ સોશિયલ મીડિયા પર વીડિયો અને તસવીરો સાથે એક પોસ્ટ લખી હતી, જેમાં ધીરેન્દ્ર શાસ્ત્રીના ભાઈ શાલીગ્રામ જોવા મળ્યા હતા. તેના હાથમાં છરી પણ હતી અને તે ધમકી પણ આપતો જોવા મળ્યો હતો. તેના આધારે પોલીસે ગુનો નોંધ્યો છે.