Vastu Tips / સ્નાન કરતાં સમયે પણ દિશા જોવી ખૂબ જરૂરી: જો આ નિયમોનું ધ્યાન ન રાખો, તો થાય છે નેગેટિવ એનર્જીનો સંચાર

• યોગ્ય દિશામાં ઉભા રહીને નહાવાથી વ્યક્તિનું ભાગ્ય ચમકી ઉઠે છે
• જેની સીધી અસર તમારા જીવન પર થાય છે
• નકારાત્મક ઊર્જાનો નાશ થાય છે

વાસ્તુ શાસ્ત્ર અનુસાર યોગ્ય દિશામાં ઉભા રહીને નહાવાથી વ્યક્તિનું ભાગ્ય ચમકી ઉઠે છે. ઉપરાંત અનેક સમસ્યાથી મુક્તિ મળે છે. જ્યોતિષ શાસ્ત્ર અનુસાર યોગ્ય દિશામાં મોઢુ રાખીને નહાવાથી ભાગ્યોદય થાય છે અને નકારાત્મક ઊર્જાનો નાશ થાય છે. પૂર્વ દિશાને સૂર્ય દેવતાની દિશે માનવામાં આવે છે. સૂર્ય ઉગતા સમયે સકારાત્મક ઊર્જા લાવે છે. સવારે આ દિશામાં સ્નાન કરવું તે ફાયદાકારક છે. જેથી સકારાત્મક ઊર્જા તમારા શરીરની તમામ નકારાત્મક ઊર્જાનો નાશ કરે છે. જેની સીધી અસર તમારા જીવન પર થાય છે અને સુખદાયી ફળ પ્રાપ્ત થાય છે. 

બાથરૂમ માટે વાસ્તુ નિયમ

• વાસ્તુ શાસ્ત્ર અનુસાર ઘરમાં બાથરૂમ ઉત્તર અથવા ઉત્તર પશ્ચિમ દિશામાં હોવું જોઈએ. બાથરૂમ દક્ષિણ દિશા, દક્ષિણ પૂર્વ અથવા દક્ષિણ પશ્ચિમ દિશામાં ના બનાવવું જોઈએ. નહીંતર નકારાત્મક ઊર્જાનો સામનો કરવો પડે છે. 
• બાથરૂમ કિચનની સામે ના હોવું જોઈએ. ટોયલેટની સીટ પશ્ચિમ અથવા ઉત્તર પશ્ચિમ દિશામાં હોવી જોઈએ. 
• બાથરૂમમાં હંમેશા પાણીની ડોલ અથવા ટબ ભરીને રાખવું જોઈએ. ડોલ ખાલી હોય તો હંમેશા ઊંધી રાખવી. જેથી ઘરમાં સુખ સમૃદ્ધિ આવે છે. 
• બાથરૂમના વાસ્તુમાં વાદળી રંગ ખૂબ જ મહત્ત્વપૂર્ણ છે. વાદળી રંગ ખુશી વ્યક્ત કરે છે. આ કારણોસર બાથરૂમમાં વાદળી રંગની ડોલ અને ટબ હોવા જોઈએ. 
• બાથરૂમનો દરવાજો હંમેશા બંધ રાખવો જોઈએ. બાથરૂમનો દરવાજો ખુલ્લો હોય તો નકારાત્મક ઊર્જાનો સંચાર થાય છે અને કરિઅરમાં અડચણ ઉત્પન્ન થઈ શકે છે.