VIDEO / 'ગર્ભવતીની રસ્તામાં ડિલિવરી થઈ જાય', CM સામે એક મંત્રીએ બીજાને કહ્યું- ભંગાર રોડ સારા કરો

• ખરાબ રોડ મામલે રાજસ્થાનના એક મંત્રીએ બીજાને સંભળાવ્યું 
• પ્રવાસન મંત્રી વિશ્વેન્દ્ર સિંહે પીડબલ્યુડી મંત્રી ભજનલાલ જાટવને કર્યો કટાક્ષ 
• રોડ એટલા ખરાબ છે કે ગર્ભવતીની રસ્તામાં ડિલિવરી થઈ જાય
• ભરતપુરમાં સીએમ ગેહલોતની હાજરીમાં આવું થયું 

રાજસ્થાનના મુખ્યમંત્રી અશોક ગેહલોતને ત્યારે મૂંઝવણમાં મૂકાવાનો વારો આવ્યો કે જ્યારે ભરતપુરના એક કાર્યક્રમમાં બે કેબિનેટ મંત્રીએ બીજા કેબિનેટ મંત્રીને ખરાબ રોડ મામલે સંભળાવ્યું હતું. 

પીડબલ્યુડી મંત્રી સામે જોઈને બોલ્યાં ખરાબ રોડ ઠીક કરો  

ભરતપુરમાં એક કાર્યક્રમમાં પ્રવાસન મંત્રી વિશ્વેન્દ્ર સિંહે સીએમ ગેહલોતની સાથે મંચ પર બેઠેલા પીડબલ્યુડી મંત્રી ભજનલાલ જાટવની સામે જોઈને બોલ્યું કે આ જે પટ્ટો મેં ગળામાં પહેરી રાખ્યો છે તે તમારે કારણે છે. તમે આ રસ્તાઓને સારા કરાવી દો. પ્રદેશમાં ચિરંજીવી યોજના શું કરશે. રસ્તાઓ જ એટલા ખરાબ છે કે જો કોઈ ગર્ભવતી લેડીને હોસ્પિટલ લઈ જવામાં આવે તો રસ્તામાં જ તેની ડિલિવરી થઈ જાય. તેમણે કહ્યું કે આ રસ્તાઓનું સમારકામ કરાવો ભાઈ સાહેબ. રોજ લોકોનું સાંભળવું પડે છે. આવો પટ્ટો પહેરવો પડે છે. 

Rajasthan tourism min Vishvendra Singh brings up issue of bad condition of roads, points it to PWD min Bhajanlal Jatav at Bharatpur event in CM Gehlot's presence

He says "Roads are so bad if pregnant woman is being taken to hospital, delivery of baby will happen on way itself" pic.twitter.com/FMzzCHkD5a

— ANI MP/CG/Rajasthan (@ANI_MP_CG_RJ) September 15, 2022

ખરાબ રોડ મામલે મુખ્યમંત્રી ગેહલોતે પણ અધિકારીઓને ખખડાવ્યાં હતા 
વિશ્વેન્દ્ર સિંહ પહેલા મુખ્યમંત્રી અશોક ગેહલોત પણ ખરાબ રસ્તાઓ પર નારાજગી વ્યક્ત કરી ચૂક્યા છે. જોધપુરની મુલાકાત દરમિયાન મુખ્યમંત્રી અશોક ગેહલોતે શહેરના નબળા રસ્તાઓને લઈને બેદરકારી દાખવવા બદલ અધિકારીઓની ઝાટકણી કાઢી હતી. સીએમ ગેહલોતે જાહેરમાં કહ્યું હતું કે, જો અધિકારીઓએ જોધપુરમાં જ રહેવું હોય તો તેમણે રસ્તાઓનું સમારકામ કરવું પડશે. તેમણે પ્રભારી મંત્રી સુભાષ ગર્ગને અધિકારીઓના ક્લાસ લેવાનું કહ્યું હતું. કોર્પોરેશન હોય, જેડીએ હોય, જિલ્લા વહીવટ હોય, તમારે ઓછામાં ઓછું એટલું તો સમજવું જોઈએ કે તમે મુખ્યમંત્રીના જિલ્લામાં તૈનાત છો. લોકો શું કહેશે, મુખ્યમંત્રીના જિલ્લામાં જ રસ્તાઓ ખરાબ છે.