મહેસાણા / ST બસમાં નરાધમે વિદ્યાર્થીઓને અડપલાં કરતાં સવાલા ગામે ભયંકર બબાલ, ટોળાંએ પથ્થર પણ માર્યા, જાણો સમગ્ર વિવાદ

• વિસનગર-રાવળાપુરા ST બસમાં બબાલ
• સવાલા ગામે બસને ઉભી રખાવી ટોળાએ પથ્થરમારો કર્યો
• વિધર્મી સરફરાઝ નામના વ્યક્તિ સાથે આવેલા લોકોએ બસમાં આતંક મચાવ્યો
• બસમાં વિદ્યાર્થિનીઓ સાથે અડપલાં કરીને ગેરવર્તન કરતા મામલો ગરમાયો
• ST બસના કંડક્ટરે વિસનગર તાલુકા પોલીસ સ્ટેશનમાં નોંધાવી ફરિયાદ

મહેસાણા જિલ્લાના વિસનગર એસટી ડેપોમાંથી ગઈકાલે સાંજે ઉપડેલી વિસનગર-રાવળાપુરા એસટી બસમાં બેસવા બાબતે બબાલ થઇ હતી. વિસનગરમાં સવાલા દરવાજા બસ સ્ટેન્ડથી શરૂ થયેલી બબાલ સવાલા ગામે પહોંચતા વધી ગઈ હતી. સવાલા ગામના બસ સ્ટેન્ડે પહોંચેલી એસટી બસને સરફરાઝ ડેલીકેટ નામના વ્યક્તિ સાથે લઘુમતી કોમના લોકોએ ઘેરી લીધી હતી અને ત્યારબાદ એસટી બસમાં બેઠેલા અન્ય વિદ્યાર્થીઓ સાથે બોલાચાલી, ખેંચતાણ કરી માર માર્યો હતો.

મહેસાણા જિલ્લાના વિસનગરના સવાલા પાસે થયેલ માથાકૂટમાં આખરે પોલીસ ફરિયાદ નોંધાઈ છે. વિદ્યાર્થીઓ વચ્ચે બેસવા બાબતે થયેલી બબાલમાં એસટી ઉપર છુટ્ટા પથ્થરો મારી જાનથી મારી નાખવાની ધમકી આપી હતી. હદ તો ત્યારે થઈ ગઈ જ્યારે વિદ્યાર્થીનીઓ બસમાં ઘરે જઈ રહેતી એમની સાથે ટોળાંએ અડપલાં કર્યા અને ગેરવર્તન કરી બિભત્સ શબ્દ પ્રયોગ કર્યો હતો. વિસનગર અભ્યાસ કરવા જતી વિદ્યાર્થીનીઓ સાથે થયેલા અભદ્ર વ્યવહાર અને બસ ને બાન લેવા મુદ્દે એસટી બસના કંડકટર ઘનશ્યામ ગોસ્વામીએ મોડી રાત્રે વિસનગર તાલુકા પોલીસ સ્ટેશનમાં સરફરાઝ ડેલીકેટની સાથે 30ના ટોળાં સામે પોલીસ ફરિયાદ નોંધાવી છે.