રોષ / સુરતમાં અસામાજિક તત્વોનો આતંક, કાપીને વૃક્ષો પર જ્વલનશીલ છાંટતા લોકો ભડક્યાં, પોલીસ એક્શનમાં

• સુરતમાં 11 જેટલા વૃક્ષો કાપી નખાતા લોકો રોષે ભરાયા
• કિરણ ચોક વિસ્તારમાં 11 જેટલા વૃક્ષો કાપી નખાયા
• સમગ્ર ઘટનાને લઈ પોલીસે તપાસ હાથધરી

સુરતમાં 11 જેટલા વૃક્ષો કાપી નખાતા લોકોમાં રોષ જોવા મળ્યો છે.  વરાછામાં કિરણ ચોક વિસ્તારમાં 11 જેટલા વૃક્ષો કાપવામાં આવતા મામલો ગરમાયો છે. ગ્રીનમેન આર્મી નામનું એક સંગઠન વૃક્ષનો ઉછેર કરતું હતું અને વૃક્ષો કાપી નખાતા ગ્રીનમેન આર્મીના સભ્યોમાં ભારે રોષ વ્યક્ત કર્યો છે

સુરતમાં 11 જેટલા વૃક્ષો કાપી નખાતા લોકો રોષે ભરાયા
સુરતના વરાછામાં યોગીચોક નજીક કિરણચોક ખાતે વૃક્ષો કાપી નખાતા ગ્રીનમેન આર્મી અને સ્થાનિક લોકો દ્વારા રોષ વ્યક્ત કરવામાં આવ્યો હતો. ગ્રીન આર્મીના સભ્યો દ્વારા દરરોજ સવારે વહેલી સવારે સાત વાગ્યા સુધી વિવિધ વિસ્તારોમાં વૃક્ષારોપણ કરે છે તેમજ તે વક્ષોની સંપૂર્ણ કાળજી પણ લે છે. પરંતુ એ વૃક્ષોને વર્ષો સુધી જતન કરવાનું અને નિયમિત રીતે કામ કરે છે.  જે જતન કરી મોટા કરેલા વૃક્ષો કાપી નાખતા ગ્રીન આર્મીના સભ્યો અને સ્થાનિકો દ્વારા વિરોધ કરવામાં આવ્યો હતો.

સમગ્ર ઘટનાને લઈ પોલીસે તપાસ હાથધરી
વૃક્ષો કાપી નખાતા ગ્રીનમેન આર્મીના સભ્યોમાં ભારે રોષ જોવા મળી રહ્યો છે. સમગ્ર ઘટનાને લઈને પોલીસને પણ જાણ કરવામાં આવી હતી. અસામાજિક તત્વોએ વૃક્ષો કાપી નાખ્યા હોવાનો આરોપ પણ કરવામાં આવ્યો છે. વૃક્ષ કાપી ઉપર જ્વલનશીલ પ્રવાહી રેડી દીધું હોવાનું પણ સામે આવ્યું છે. સમગ્ર ઘટનાને લઈને પોલીસે તપાસ હાથધરી છે.