કમાણી / એડવાન્સ બુકિંગમાં એનિમલ આગળ કે સેમ બહાદુર? રીલીઝ પહેલા કઈ ફિલ્મે દેખાડ્યો દમખમ, આંકડા ચકિત કરી મૂકે તેવા

• રણબીર કપૂરની એનિમલે રિલીઝ પહેલા જ લોકોમાં ઉત્સુકતા
• રણબીર કપૂર અને વિકી કૌશલ વચ્ચેની આ ટક્કરમાં કોણ જીતશે?
• રણબીરે 5.3 કરોડ રૂપિયા અને વિકી કૌશલની ફિલ્મ માત્ર 58 લાખ રૂપિયાની કમાણી કરી 

રણબીર કપૂરની એનિમલે રિલીઝ પહેલા જ લોકોમાં ઉત્સુકતા વધારી રહી છે.ફિલ્મ રિલીઝ થવામાં હજુ 4 દિવસ બાકી છે ત્યાંજ એડવાન્સ બુકીંગના નામે ફિલ્મે ધુઆધાર કમાણી કરી નાખી છે. ફિલ્મે એડવાન્સ બુકિંગમાં કરોડો રૂપિયાની કમાણી કરી છે, જેને લઈને આ ફિલ્મ જબરદસ્ત હિટ નવડે તેવી લોકો આશા વ્યક્ત કરી રહ્યા છે. 'એનિમલ'ની રિલીઝમાં માત્ર 4 દિવસ બાકી છે, એ પહેલા જ ફિલ્મે દરેક જગ્યાએ પોતાનો દબદબો જમાવી લીધો છે. 

 રણબીર કપૂરની ફિલ્મ બમ્પર ઓપનિંગ કરશે. તેવું એડવાન્સ બુકીંગના આંકડા પરથી કહી શકાય છે. તાજેતરમાં જ આ ફિલ્મનું ટ્રેલર રિલીઝ થયું હતું બાદમાં રણબીર અને બોબીની જોડી ને જોવા લોકો અધિરા બની રહ્યા છે. એનિમલ સિવાય સેમ બહાદુર પણ 1 ડિસેમ્બરે રીલિઝ થવા જઈ રહી છે, જો કે એડવાન્સ બુકિંગના મામલે રણબીર કપૂર વિકી કૌશલ પર પ્રભુત્વ ધરાવે છે.

SACNILCના રિપોર્ટ એડવાન્સમાં અનુસાર
આ ફિલ્મમાં રણબીર કપૂર, બોબી દેઓલ, રશ્મિકા મંદન્ના, અનિલ કપૂર, શક્તિ કપૂર સહિતના ઘણા અભિનેતાઓ પરદા પર જોવા મળશે. જોકે, એનિમલનું પાત્ર ભજવતા રણબીર કપૂર અને રશ્મિકા વચ્ચેની કેમેસ્ટ્રી પહેલીવાર બોક્સ ઓફિસ પર ધૂમ મચાવશે. SACNILCના રિપોર્ટ એડવાન્સમાં અનુસાર રાત્રે 8 વાગ્યા સુધી 1 લાખ 73 હજાર 738 ટિકિટ વેચાઈ છે. ફિલ્મ માટે એડવાન્સ બુકિંગ 25મી નવેમ્બરથી શરૂ કરવામાં આવ્યું હતું. જોકે, ફિલ્મને માત્ર એક જ દિવસમાં દર્શકોનો મોટો આવકાર મળી રહ્યો છે.

રણબીરે અત્યાર સુધી 5.3 કરોડ રૂપિયાની કમાણી કરી

અપેક્ષા એવી રાખવામાં આવી રહી છે કે શરૂઆતના દિવસે રણબીર કપૂર માત્ર વિકી કૌશલના સેમ બહાદુરના રેકોર્ડ તોડશે જ નહીં પરંતુ નવા રેકોર્ડ્સ પણ તોડી નાખશે. ફિલ્મે પ્રથમ દિવસની એનિમલના એડવાન્સ બુકિંગથી 5.3 કરોડ રૂપિયાની કમાણી કરી છે. 1લી ડિસેમ્બરે બોક્સ ઓફિસ પર ફિલ્મ રિલીઝ થયા બાદ રણબીર કપૂર અને વિકી કૌશલ વચ્ચેની આ ટક્કરમાં કોણ જીતે છે તે તો રિલીઝ પછી જ ખબર પડશે. પરંતુ જો એડવાન્સ બુકિંગની વાત કરીએ તો રણબીરે અત્યાર સુધી 5.3 કરોડ રૂપિયાની કમાણી કરી છે. સકનિલ્કના રિપોર્ટ અનુસાર, વિકી કૌશલની ફિલ્મ માત્ર 58 લાખ રૂપિયાની કમાણી કરી છે.