જય હિન્દ કી સેના / VIDEO: છ વર્ષના દીકરાએ વર્દી પહેરીને કર્યું સેલ્યુટ, બહેને બાંધી રાખડી: શહીદની અંતિમ વિદાયના દ્રશ્યો જોઈ હૈયું ધ્રુજી જશે

• અનંતનાગ અથડામણમાં ભારતનાં 3 સપૂતો શહીદ થયાં
• કર્નલ મનપ્રીત સિંહની આજે અંતિમ યાત્રા નિકળી
• 6 વર્ષનાં પુત્રએ સૈનિકની વર્દીમાં પિતાને સલામી આપી

અનંતનાગમાં બુધવારે 13 સપ્ટેમ્બરનાં રોજ આતંકીઓ સાથેની અથડામણમાં શહીદ થયેલ ચંદીગઢનાં કર્નલ મનપ્રીત સિંહનું આજે તેમના ગામ ભડૌજિયામાં અંતિમ સંસ્કાર થયું. સૈન્ય સમ્માનની સાથે કર્નલને આખરી વિદાય આપવામાં આવી. શહીદ કર્નલનાં 6 વર્ષનાં દીકરાએ પોતાના પિતાને મુખાગ્નિ આપી.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

6 વર્ષનાં બાળકે કર્યું પિતાનું અંતિમ સંસ્કાર
કર્નલ મનપ્રિતનાં પરિવારમાં તેમની પત્ની જગમીત ગ્રેવાલ, મા અને 2 બાળકો છે. તેમાં એક બાળક 6 વર્ષનો અને 2 વર્ષની દીકરી શામેલ છે.  આજે કર્નલનાં 6 વર્ષનાં પુત્રએ સૈનિકની વર્દીમાં પોતાના પિતાને મુખાગ્નિ આપી.  છેલ્લે કહ્યું-પપ્પા જય હિંદ!

પિતાને સલામી આપી
શહીદનું પાર્થિવ શરીર જ્યારે મોહાલી સ્થિત તેમના ગામમાં પહોંચ્યું ત્યારે તેમના 6 વર્ષીય પુત્રએ પિતાને સલામી આપી. વર્દીમાં આવેલ આ બાળકની વીરતાને જોઈને ત્યાં હાજર સૌની આંખોમાં ગર્વનાં આંસુ આવી ગયાં હતાં. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

'શહીદ મનપ્રીત સિંહ અમર રહે'
શહીદનાં ઘરથી 200 મીટર દૂર આવેલ સ્થળ સુધી પહોંચવામાં યાત્રાને 20 મીનિટનો સમય લાગી ગયો. શહીદ કર્નલની આ અંતિમ યાત્રામાં પંજાબનાં ગર્વનર બનવારી લાલ પુરોહિત પણ જોડાયા હતાં.  ચંદીગઢથી જ્યારે શહીદનાં પાર્થિવ દેહને ભડૌજિયા લઈ આવવામાં આવ્યું ત્યારે તેમના ઘરની બહાર લોકોની ભીડ જમા થઈ ગઈ હતી. કર્નલ મનપ્રીતની પત્ની તેમના તાબૂત પાસે માથું રાખીની ધ્રુસ્કે-ધ્રુસ્કે રડી રહી હતી. આખું ગામ શહીદ કર્નલની અંતિમ યાત્રામાં સાથે ચાલી રહ્યું હતું. રસ્તામાં માત્ર એક જ નારો ગૂંજી રહ્યો હતો- શહીદ મનપ્રીત સિંહ અમર રહે.

સવારે જ પરિવારજનો સાથે વાત કરી હતી
આતંકી હુમલામાં શહીદ થયેલ કર્નલ મનપ્રીત સિંહ એ બટાલિયનનું નેતૃત્વ કરી રહ્યાં હતાં જેણે બુધવારે સવારે અનંતનાગમાં ઓપરેશન ફરી શરૂ કર્યું હતું. ગોળીબારીમાં તેઓ ગંભીરરીતે ઘાયલ થયાં હતાં અને પછી મૃત્યુ પામ્યાં. આ ઓપરેશન પહેલા કર્નલ મનપ્રીતે સવારે 6.45 વાગ્યે પોતાના પરિવારનાં સદસ્યોની સાથે વાતચીત કરી હતી અને કહ્યું હતું કે અત્યારે બિઝી છું સાંજે વાત કરીશ.