એલાન / Twitter પર મોટી ઉથલપાથલ વચ્ચે Elon Musk એ ભારત માટે પણ કર્યું મોટું એલાન, ખિસ્સા પર વધશે બોજ

• ભારતમાં $8 ચાર્જ વસૂલવાનો નિયમ ક્યારથી લાગુ થશે?
• શું ભારતીયોએ ચૂકવવા પડશે ઓછા પૈસા?
• શા માટે એલન મસ્ક બ્લૂ ટીકના $8 વસૂલે છે?

એલન મસ્ક એ ટ્વિટર ખરીદી લીધું એ પછીથી એમને અત્યાર સુધી  ઘણા મોટા નિર્ણયો લીધા છે અને આ સાથે જ એમને ટ્વિટરના સીઇઓ સહિત અનેક કર્મચારીઓને કાઢી પણ મૂક્યા છે. આ બધા પછી એલન મસ્ક હવે ટ્વિટરના પ્રમુખ ફીચર્સ માટે યુઝર્સ પાસેથી પૈસા વસૂલવાનો પણ પ્લાન બનાવી રહ્યા છે. એલન મસ્કે પોતે ટ્વિટર પર આ વાતની પુષ્ટિ કરી ચૂક્યા છે કે ટ્વિટર બ્લુ ટિક માટે યુઝર્સને દર મહિને $8 (લગભગ રૂ. 661) ચાર્જ કરવામાં આવશે એટલે કે ટૂંક સમયમાં જ દરેક લોકોનું બ્લુ ટિક છીનવાઈ જશે. આ બદલાવ પછી જે કોઈને પણ ટ્વિટર પર બ્લુ ટિક માર્ક જોઈતું હશે તેને આ માટે ટ્વિટર બ્લુ સબસ્ક્રિપ્શન માટે ચૂકવણી કરવી પડશે અને એ પછી તે યુઝર્સ ને ફરીથી વેરિફિકેશન બેજ મળશે.

pic.twitter.com/icg6e35LOe

— Elon Musk (@elonmusk) November 1, 2022

ટ્વિટર માટે દર મહિને 8 ડૉલર ચૂકવવાની સાંભળીને દરેક લોકો ચોંકી ગયા હતા અને અમેરિકા, કેનેડા અને બિટ્રેન સહિત યુરોપના ઘણા દેશોમાં દર મહિને $8નો નિયમ લાગુ કરવામાં આવ્યો છે. હાલ સવાલ એ ઊભો થાય છે કે ભારતમાં $8 ચાર્જ વસૂલવાનો નિયમ ક્યારથી લાગુ થશે? અને શું ભારતમાં 8 ડોલર કે તેથી ઓછા ચૂકવવા પડશે? જણાવી દઈએ કે આ અંગે એક ટ્વિટર યુઝરે એલન મસ્કને ટેગ કરીને પૂછ્યું કે ભારતમાં $8નો નિયમ ક્યારે લાગુ થશે અને તેનો જવાબ આપતા મસ્કે કહ્યું હતું કે ભારતમાં આવતા એક મહિનાની અંદર બ્લુ ટિક યુઝર્સ માટે $8 નો નિયમ લાગુ થશે. એટલે કે  ડિસેમ્બરથી ભારતમાં ટ્વિટર બ્લુ ટિક યુઝર્સ પાસેથી $8 ચાર્જ વસૂલી શકે છે. 

.@elonmusk When can we expect to have the Twitter Blue roll out in India? #TwitterBlue

— Prabhu (@Cricprabhu) November 5, 2022

શું ભારતીયોએ ચૂકવવા પડશે ઓછા પૈસા?
એલન મસ્કે ટ્વિટર દ્વારા જાહેરાત કરી હતી કે દરેક દેશના ટ્વિટર બ્લુ ટિક યુઝર્સ માટે અલગ અલગ ચાર્જ વસૂલવામાં આવશે પણ હજુ સુધી એમને દેશવાર કિંમત જાહેર નથી કરી પણ હાલ એવું માનવામાં આવે છે કે ભારતમાં બ્લૂ ટિકની કિંમત યુરોપિયન દેશ કરતાં ઓછી હશે.

શું મળશે એકસ્ટ્રા ફીચર્સ? 
એલન મસ્કના જણાવ્યા અનુસાર જે યુજર્સ ટ્વિટર બ્લુ સબસ્ક્રિપ્શન લે છે તેમને કેટલાક વધારાના ફીચર્સ આપવામાં આવશે. જેમાં ટ્વિટર એડિટ ઓપ્શન અને લોંગ ટેક્સ્ટ ફોર્મેટ પણ આપી શકાય છે. આ સિવાય એકસ્ટ્રા ફીચર ફેસબુકના નોટ ફીચર જેવું હોઈ શકે છે.

Twitter will soon add ability to attach long-form text to tweets, ending absurdity of notepad screenshots

— Elon Musk (@elonmusk) November 5, 2022

શા માટે એલન મસ્ક $8 વસૂલે છે?
એલન મસ્કના જણાવ્યા અનુસાર, ટ્વિટર રેવન્યુ તરીકે દરરોજ નુકસાનનો સામનો કરી રહ્યું છે અને આવી સ્થિતિમાં ટ્વિટરને કર્મચારીઓની છટણી કરવા અને યુજર્સ પાસેથી $8 વસૂલવાની ફરજ પડી છે.